ލ. ގަމުގައި މޫދުގައި މީހަކު މަރުވެފައި އޮއްވާ ފެނިއްޖެ އެވެ.
މަރުވެފައި އޮއްވާ ފެނުނީ ލ. ގަން، ސައީދާ މަންޒިލް، އަހްމަދު މުހައްމަދެވެ.
ލ. ގަމު ކައުންސިލުގެ ރައީސް އަހުމަދު ޒަކީ ، މިނިވަންއަށް ވިދާޅުވީ، އުމުރުން 67 އަހަރުގެ އެމީހާ މިއަދު ހެނދުނު މޫދަށް ގޮސްފައި އެނބުރި ނައުމުން ހޯދަނިކޮށް ފެނުނީ މިއަދު މެންދުރު 1:30 ހާއިރު ލައްގާފައި އޮއްވާ ކަމަށެވެ.
" އާންމުކޮށް މޫދަށް ގޮސްއުޅޭ އުމުރުން ދުވަސްވީ ބޭފުޅެއް، ހޮސްޕިޓަލަށް ގެންދިޔަ އިރުވެސް ނިޔާވެފަ އޮތްކަމަށް މައުލޫމާތުލިބުނީ " ޒަކީ ވިދާޅުވިއެވެ.
އޭނާ މަރުވާން ދިމާވި ވަކި ސަބަަބެއް ނޭގެއެވެ. ޒަކީ ވިދާޅުވީ، އޭނާ އަކީ އުމުރުން ދުވަސްވީ ބަލި މީހެއްކަމުގައެވެ.މި ކަމާ ގުޅިގެން ފުލުހުން އަންނަނީ އެ ފަދަ މައްސަލައެއް ހުށަހަޅައިފައިވޭތޯ ބަލަމުންނެވެ.
