ފުރަތަމަ ފަހަރަށް ސާނަވީ ގަދަ ދިހައެއްގައި އަރަބިއްޔާ ސްކޫލުގެ ދަރިވަރުން ހިމެނިއްޖެ

ސާނަވީ ގަދަ ދިހައެއްގައި ފުރަތަމަ ފަހަރަށް އަލް މަދަރަސަތުލް އަރަބިއްޔަތުލް އިސްލާމިއްޔާގެ ހަ ދަރިވަރަކު ހިމެނިއްޖެއެވެ. ސާނަވީ އިމްތިހާނުގެ ގައުމީ ގަދަ ދިހައެއްގައި މީގެ ކުރިން އެ ސްކޫލްގެ ދަރިވަރުން ހިމެނިފައެއްނުވެއެވެ. މިދިޔަ އަހަރުގެ ދިރާސީ އަހަރުން ފެށިގެން އެ ސްކޫލުގެ ދަރިވަރުންނަށް ސާނަވީ އިމްތިހާނުގެ ގަދަ ދިހައެއްގައި ވާދަކުރެވޭ ގޮތަށް އުސޫލު ވަނީ ބަދަލުކޮށްފައެވެ. މިފަހަރު ގަދަދިހައެއްގައި ހިމެނުނު އެސްކޫލުގެ ހަ ދަރިވަރުންނަކީ: އައިޝަތު ދާއިން އަހުމަދު ޝަރީފު، ( ގަދަ ދިހައެއްގެ ދެވަނަ) ހައްވާ ޒައިހާ ހަބީބު، ( ގަދަ ދިހައެއްގެ ދެވަނަ) އަހުމަދު ޒައުލް، ( ގަދަ ދިހައެއްގެ ތިންވަނަ) އައިޝަތު ލައިޝާ، ޝިހާމް، ( ގަދަ ދިހައެއްގެ ހަތަރުވަނަ) އަބްދުއްރަޙްމާނު ބިން އަހްމަދު ސަމީރު، ( ގަދަ ދިހައެއްގެ ހަތްވަނަ) އައިޝަތު ނަދާ ( ގަދަ ދިހައެއްގެ ހަތްވަނަ) މިއީ އަރަބިއްޔާ ސްކޫލަށް ތާރީހީ ކާމިޔާބަކަށްވާ އިރު، އެސްލޫލުގެ ބެލެނިވެރިން ދަނީ، ސްކޫލަށް ދިމާވެފައިވާ ގިނަ ދަތިތަކާ މެދު ތަކުރާރުކޮށް ކަންބޮޑުވުން ފާޅުކުރަމުންނެވެ. އެގޮތުން ބެލެނިވެރިންގެ ކަންބޮޑުވުންތަކުގެ ތެރޭގައި އެސްކޫލު ހިންގުމަށް ދާއިމީ އިމާރާތެއް ލިބުން ލަސްވެފައިވުން ހިމެނެއެވެ.