ރޭ ވެލާނާ އިންޓަނޭޝަނަލް އެއާޕޯޓު (ވީއައިއޭ) އިން ފުރަން ދިޔަ ބިދޭސީއެއްގެ އަތުން ވަޒަން ފެނުނު މައްސަލައެއް ފުލުހުން ބަލަން ފަށައިފި އެވެ.
ފުލުހުންގެ މީޑިއާ އޮފިޝަލް މިއަދު ވިދާޅުވީ ވަޒަންތަކެއް ފެނުނީ ބިދޭސީއެއްގެ އަތުން ކަމަށެވެ.
އެއީ ރާއްޖޭގައި މަސައްކަތްކުރާ މީހެއް ކަމެއް ނުވަތަ ޓޫރިސްޓެއްް ކަމެއް ނުބުނެ އެވެ.
ފުލުހުން ބުނީ އެ ބިދޭސީ މީހާ ހައްޔަރުކޮށްފައިވާ ކަމަށެވެ.
އަދި އެ މީހާގެ ބަންދަށް 6 ދުވަސް ޖަހާފައިވާ ކަމަށް ފުލުހުން ބުންޏެވެ. އެ މީހާއާ ގުޅޭ އިތުރު މައުލޫމާތެއް ފުލުހުން ހިއްސާއެއް ނުކުރެ އެވެ.
