މާލެއަށް މިހާރު ކުރަމުންދާ ވިއްސާރާގައި ފެންބޮޑުވުމާގުޅިގެން ނަޖިސްބޭރުވެ 4 ގެއަކުން 40 މީހުން ރައްކާތެރި ތަންތަނަށް ބަދަލުކޮށްފައިވާ ކަމަށް ނޭޝަނަލް ޑިޒާސްޓަރ މެނޭޖްމަންޓް ސެންޓަރ (އެންޑީއެމްއޭ) އިން ބުނެފިއެވެ.
އެ ސެންޓަރުން ބުނެފައިވަނީ މާލެއަށް މިހާރު ކުރަމުންދާ ވިއްސާރާގައި ފެންބޮޑުވުމާގުޅިގެން ނަޖިސްބޭރުވެ 4 ގެއަކުން 40 މީހުން ރައްކާތެރި ތަންތަނަށް ބަދަލުކޮށްފައިވާ ކަމަށާއި، އަދި ވެލިބަސްތާ ބޭނުންވާ ފަރާތްތަކަށް އެސެންޓަރުގެ ފަރާތުން ވެލިބަސްތާ ދޫކުރުން ކުރީގެ ހައުސިންގ މިނިސްޓްރީގެ އިމާރާތްހުރި ގޯތި ތެރޭގައި ކުރިއަށް ދާކަމަށެވެ.
- މި ހާދިސާއާއި ގުޅިގެން ފެންބޮޑުވެ ނަޖިސް ބޭރުވުމުގެ ސަބަބުން 4 ގެއަކުން 40 މީހަކު ރައްކާތެރި ތަންތަނަށް ބަދަލުކުރުމުގެ މަސައްކަތް ކުރިއަށް އެބަ ގެންދަން.
— NDMA Maldives (@NDMAmv) March 1, 2025
މޯލްޑިވްސް މީޓިއޮރޮލޮޖިކަލް ސާވިސް އިން ވަނީ މިރޭގެ 21:45 އިން ފެށިގެން ދަންވަރު 12:00 އާއި ހަމައަށް އަދި ދަންވަރު 3:00 އިން ހެނދުނު 7:00 އަށް ބ އަތޮޅުން ފެށިގެން ދ އަޮޅާއިދެމެދުގެ އަތޮޅުތަކަށް މޫސުމް ގޯސްވާނެކަމަށް ލަފާކޮށް އޮރެންޖު އެލާޓް ނެރެފައެވެ. މެޓް އޮފީހުން ނެރެފައިވާ އޮރެންޖް އެލާޓް އިންޒާރުގައި ވަނީ އެ ވަގުތަކުގެ ތެރޭގައި ބ އަތޮޅުން ފެށިގެން ދ އަތޮޅާއި ދެމެދުގެ އަތޮޅުތަކަށް ގުގުރުމާއެކު ބޯކޮށް ވާރޭވެހި ފެންބޮޑުވެދާނެ ކަމަށް ލަފާކޮށްފައެވެ.
