މިދިޔަ މަހު ރާއްޖެ އައި ޓޫރިސްޓުންގެ އަދަދު މަދުވެއްޖެ އެވެ.
ކުރީއަހަރަށްވުރެ މިއަހަރު ފެބްރުއަރީމަހު ރާއްޖެއައި ޓޫރިސްޓުންގެ އަދަދު މަދުވެއްޖެ އެވެ.
މިިދިޔަ އަހަރުގެ ފެބްރުއަރީ މަހު ރާއްޖެއަށް 217،391 ޓޫރިސްޓުން ޒިޔާރަތްކޮށްފައިވާއިރު މިއަހަރުގެ ފެބްރުއަރީމަހު ރާއްޖެއަށް ޒިޔާރަތްކޮށްފައިވަނީ 214،091 ޓޫރިސްޓުންނެވެ.
ފެބްރުއަރީމަހު އޭގެ ކުރީ އަހަރާ އަޅާ ބަލާއިރު ރައްޖެއަށް ޓޫރިސްޓުން ޒިޔާރަތްކުރި އަދަދު 1.5 އިންސައްތަ ދަށްވި ނަމަވެސް މިއަހަރުގެ ޖެނުއަރީމަހާއި ފެބްރުއަރީ މަސް އެއްކޮށްލުމުން މިދިޔަ އަހަރުގެ ޖެނުއަރީމަހާއި ފެބްރުއަރީމަހާ އަޅާ ބަލާއިރު މިއަހަރުގެ އަދަދު އުޅެނީ މަތީގައެވެ.
Tourist arrivals of February 2025.
— Maldives Immigration (@ImmigrationMV) March 6, 2025
For detailed statistics, visit: https://t.co/rDnNaZHxuA pic.twitter.com/sd7Jd8YIGq
އެގޮތުން މިދިޔަ އަހަރުގެ ފުރަތަމަ ދެ މަހު ރާއްޖެއަށް 409،777 ޓޫރިސްޓުން ޒިޔާރަތްކޮށްފައިވާއިރު މި އަހަރުގެ ފުރަތަމަ ދެ މަހު ރާއްޖެ އަށް ޖުމްލަ 428،954 ޓޫރިސްޓުން ޒިޔާރަތްކޮށްފައިވެއެވެ.
އިމިގްރޭޝަނުން އާންމު ކުރި ޓޫރިސްޓް އެރައިވަލްސްގެ ތަފާސްހިސާބުތައް ދައްކާ ގޮތުން މިދިޔަ މަހު އެންމެ ގިނަ ޓޫރިސްޓުން އައިސްފައިވާ ފަސް ގައުމަކީ ގައުމުތަކަކީ ވައިނާއާއި، ރަޝިޔާ އާއި، އިޓަލީ، ޖަރުމަން އަދި އިނގިރޭސިވިލާތެވެ.
