ފަޅުތެރެއިން ދޯނިތައް ނަގަންޖެހޭ މައްސަލަ ހައްލުކޮށްދޭނަން: ރައީސް

މާލޭ ފަޅުތެރޭގަ ތިބެގެން ދޯނިތަކުގެ މަސައްކަތް ކުރެވޭނެ ގޮތަކަށް ކުރިޔަށްދެވޭނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއެޖެއެވެ. ރައީސް ޑރ.މުއިއްޒު އާއްމު ރައްޔިތުންގެ ސުވާލުތަކަށް ޖަވާބުދެއްވުމަށް ކުރިއަށްގެންދާ "ރައީސްގެ ޖަވާބު" ޕްރޮގްރާމުގައި  ތ.މަޑިފުށީ، ތަރިވިދާގޭ، އަހްމަދު އިބްރާހީމް ވަނީ މާލޭ ފަޅުތެރޭގައި ހުންނަ ފައްތިޔާދޯނިތައް ނަގަން އަންގާތީ، އެކަމުގައި ހުރި ކަންބޮޑުވުންތައް ފާހަގަކޮށް ކުރި ސުވާލުގެ ޖަވާބުގައި ރައީސް ވިދާޅުވީ، މާލެ ފަޅުތެރޭގައި މަޑިފުށީގެ ވަރަށްގިނަ ދޯނިތަކާއި އެހެން ދޯނިތަށް ވެސް މަސައްކަތް ކުރަމުން ދާކަމަށެވެ. އެހެން ކަމުން ރައީސް ވިދާޅުވީ އެ މަސައްކަތް ކުރާނެ އިތުރު ތަނެއް ދެއްކުމެއް ނެތި އެ ފަޅުން ދޯނިތަށް ނެގިޔަ ނުދޭނެ ކަމަށެވެ. އެގޮތުން ފަޅުތެރޭއިން އެހެން ދިމާލަކުން ނަމަވެސް ހަމަ ނުޖައްސާ އެގޮތަށް ދޯނިތަށް ނެގިޔަ ނުދޭނެ ކަމަށެވެ. "މާލެ ސިޓީ ކައުންސިލާ ވާހަކަ ދައްކާ އިރާދުކުރެއްވިއްޔާ ތިކަމުގަ ހުރި ކަންބޮޑުވުން ހައްލުކޮށްދޭނަން" ރައީސް ވިދާޅުވިއެވެ. https://twitter.com/governmentmv/status/1757283465567916049 ރައީސް ވިދާޅުވީ ދޯނިތައް އެހެން ތަނަކަށް ބަދަލުކުރާނަމަ ވެސް އެކަން ހިނގާނީ ދޯނީގެ ވެރިންނާ މަޝްވަރާކުރެވިގެ ކަމަށާއި، ހަމަ ކުއްލިއަކަށް ދޯނިތަށް ނަގަން ބުނެ ކަންބޮޑުވާން ޖެހޭ ގޮތަކަށް އެކަން ނުކުރައްވާނެ ކަމަށެވެ.