ދެކުނުން ސިފައިންގެ ވަޒީފާއަށް މީހުން ހޯދުމަށް ސެޝަންތަކެއް ބާއްވަނީ

ރާއްޖޭގެ އެންމެ ދެކުނުގެ އަތޮޅުތަކުން ސިފައިންގެ ވަޒީފާއަށް މީހުން ހޯދަން މައުލޫމާތު ދިނުމުގެ ސެޝަންތަކެއް ބާއްވަން ނިންމައިފިއެވެ. އެ ސެޝަންތައް ކުރިއަށްދާނީ ޏ. ފުވައްމުލައް ސިޓީ އާއި އައްޑޫ ސިޓީ ހިތަދޫ އާއި އައްޑޫ ސިޓީ ހުޅުދޫ އަދި ގދ. ތިނަދޫގައި ކަމަށް އެމްއެންޑީއެފުން މައުލޫމާތު ދެއެވެ. ފުވައްމުލަކާއި އައްޑޫ ސިޓީ ހިތަދޫގައި މައުލޫމާތު ދިނުމުގެ ސެޝަންތައް ކުރިއަށްދާނީ މިއަދު ހަވީރު 4:00 އިން 6:00 އަށް ފުވައްމުލައް ތައުލީމީ މަރުކަޒުގައެވެ. ހުޅުދޫ ފަޔަރ ސްޓޭޝަންގައި މާދަމާ ހަވީރު 4:00 އިން 6:00 އަށް ކުރިއަށް ދާއިރު، ތިނަދޫގައި ބާއްވާ ސެޝަން އޮންނާނީ އަންގާރަ ދުވަހު ހަވީރު 4:00 އިން 6:00 އަށް އަތޮޅު ތައުލީމީ މަރުކަޒުގައެވެ. އަދި ހިތަދޫގައި ބާއްވާ ސެޝަން އޮންނާނީ މިއަދު ހަވީރު 4:00 އިން 6:00 އަށް ހިތަދޫ ހައި ސްކޫލްގައެވެ. ސިފައިންގެ ވަޒީފާގެ ޝަރުތުތައް:

• ދިވެހި ރައްޔިތެއް ކަމުގައިވުން
• ސީޖީއީ އޯ ލެވެލް ފެންވަރު ނުވަތަ ވޮކޭޝަނަލް ސެޓްފިކެޓް
• 18 އަހަރާއި 25 އަހަރާއި ދެމެދު އުމުރުފުރާ
• ސިފައިންގެ ވަޒީފާ އަދާކުރެވޭފަދަ ސިއްހަތެއްގައި ހުރުން
• ފާއިތުވި ފަސް އަހަރު ކުށުގެ ރެކޯޑެއް ނެތުން
• ސިޔާސީ ޕާޓީ މެންބަރަކަށް ނުވުން
• އިސްކޮޅު (ފިރިހެން - ފަސް ފޫޓު ފަސް އިންޗި) - (އަންހެން - ފަސް ފޫޓު ތިން އިންޗި)

ސިފައިންގެ ވަޒީފާއަށް އެދޭ ފޯމު ޑިފެންސް މިނިސްޓްރީގެ ވެބްސައިޓް އިން އަދި އެމްއެންޑީއެފްގެ ވެބްސައިޓް އިން ޑައުންލޯޑް ކުރެވެން ހުންނާނެއެވެ. ވަޒީފާއަށް އެދޭ ފޯމާއެކު ޕޮލިސް ރިޕޯޓް ހުށަހަޅަންވާނެއެވެ.