ދެކުނުގެ ރަށެއްގައި ކުޑަ ކުއްޖަކަށް ޖިންސީ ގޯނާ ކުރި ބިދޭސީއަކު ހައްޔަރު ކޮށްފި

ދެކުނުގެ ރަށެއްގައި އުމުރުން ކުޑަ ކުއްޖަކަށް ޖިންސީ ގޯނާ ކުރި ބިދޭސީއަކު ހައްޔަރު ކޮށްފިއެވެ. ފުލުހުން ބުނީ ސައުތް ސެންޓްރަލް ޕޮލިސް ސަރައްދު ހިމެނޭ ރަށެއްގައި އުމުރުން 12 އަހަރުގެ ކުޑަ އަންހެން ކުއްޖަކަށް ބިދޭސީ އަކު ޖިންސީ ގޯނާ ކުރި މައްސަލަ އެއް މިދިޔަ ބުދަ ދުވަހު ފުލުހުންނަށް ރިޕޯޓު ކޮށްފައިވާ ކަމަށެވެ. އެ ސަރަހައްދުގައި ހިމެނެނީ މ،ފ، ދ، ތ އަދި ލ. އަތޮޅުގެ ރަށްތަކެކެވެ. މި މއްސަލައާއި ގުޅިގެން ހައްޔަރު ކޮށްފައިވަނީ އުމުރުން 26 އަހަރުގެ ބިދޭސީ ފިރިހެނެކެވެ. ފުލުހުން ބުނީ އޭނާގެ ބަންދާ މެދު ގޮތެއް ނިންމުމަށް ކޯޓަށް ގެންދިއުމުން ވަނީ ބަންދަށް 30 ދުވަސް ޖަހާފައި ކަމަށެވެ. މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ. މި ކަހަލަ މައްސަލަތަކަކީ ކުޑަކުދިންނާއި ގުޅޭޭ ސީރިއަސް މައްސަލަތަކަށް ވާތީ ކުއްޖާގެ ރައްކާތެރި ކަމައްޓަކައި ކުއްޖާގެ ނަމާއި އަތޮޅާއި ރަށް ހާމައެއް ނުކުރާނެ އެވެ.