ދެކުނުގެ އަތޮޅުތަކަށް ޔެލޯ އެލާޓް ނެރެފި

ބޯކޮށް ވާރޭ ވެހޭނެ ކަމަށް ލަފާކޮށް ރާއްޖޭގެ އެންމެ ދެކުނުގެ ހަތަރު އަތޮޅަށް މޫސުމާ ބެހޭ އިދާރާ (މެޓް އޮފީސް) އިން ޔެލޯ އެލާޓް ނެރެފިއެވެ. މެޓް އޮފީހުން ޔެލޯ އެލާޓް ނެރެފައިވަނީ ހެނދުނު 9:00 އިން ފެށިގެން މެންދުރު ފަހު 1:00 އާ ހަމައަށެވެ. އެގޮތުން، އެވަގުތުގެ ތެރޭގައި ބޯކޮށް ވާރޭ ވެހުމާ އެކު ގުގުރާނެ ކަމަށާއި އަދި ވިލާގަނޑުގައި ގަޑިއަކު 45 މޭލަށް ވައި ގަދަވެ، ކަނޑުތައް ވެސް ގަދަވާނެ ކަމަށް މެޓް އޮފީހުން ލަފާކޮށްފައިވެއެވެ. https://twitter.com/MetMaldives/status/1762323413601788219 އެހެންކަމުން، މެޓް އޮފީހުން ވަނީ ކަނޑު ދަތުރުކުރާ ފަރާތްތަކުން މޫސުމަށް ބަލައިގެން ދަތުރު ކުރުމަށް އިލްތިމާސްކޮށްފައެވެ. ރާއްޖޭގެ އެންމެ ދެކުނުގެ ހަތަރު އަތޮޅަށް ޔެލޯ އެލާޓް ނެރުމުގެ ކުރިން ފަތިހު 5:00 އިން ފެށިގެން ހެނދުނު 11:00 ހަމައަށް ލ. އަތޮޅުން ފެށިގެން އައްޑޫސިޓީއާ ހަމައަށަ ވަނީ ވައިޓް އެލާޓް ވެސް ނެރެފައެވެ.