ދައުލަތުގެ މަތީ އިއްޒަތް، މުސްތަފާ ލުތުފީ އަށް އަރުވައިފ

ދިވެހި ދައުލަތުގެ މަތީ އިއްޒަތް، ނިޝާން ދިޔަމިގިލީ ޝަރަފުގެ އިއްޒަތް ކުރީގެ އެޑިއުކޭޝަން މިނިސްޓަރު ޑރ. މުސްތޮފާ ލުތުފީ މިއަދު އަރުވައިފި އެވެ. މިނިވަން ދުވަހާ ގުޅިގެން މިއަދު ހެނދުނު ސޯޝަލް ސެންޓަރުގައި ބާއްވަމުންދާ ރަސްމީ ޖަލްސާގައި މުސްތޮފާ އަށް އެރުވި މި ޝަރަފު ނިސްބަތް ވަނީ އައްސުލްތާން މުހައްމަދު ޣިޔާސުއްދީން ރަދުންނަށެވެ. ދައުލަތުގެ އެކި މަގާމްތަކުގައި މުސްތޮފާ ހިދުމަތް ކުރައްވާތާ 30 އަހަރު ވެއްޖެ އެވެ. މިހާޜު އެމަނިކުފާނު ހުންނެވީ ރައީސް އޮފީހުގެ ސްޕެޝަލް އެޑްވައިޒަރު އޮން ސޯޝަލް ޕޮލިސީގެ މަގާމުގަ އެވެ. ރައީސް ސޯހިލު މިއަދު ވިދާޅުވީ، މުސްތޮފާ އަކީ މިފަހުގެ ސިޔާސީ ގޮތުން އިސްލާހީ މަސައްކަތުގެ މުހިންމު ދައުރެއް އަދާކުރެއްވި ބޭފުޅެއްކަމަށެވެ. "މަގުމަތީ ހަރަކާތް ތަކުގާ ވެސް އެންމެ އިސް ސަފުގާ ފައިހަމަ ކުރެއްވި" ރައީސް ވިދާޅު ވިއެެވ. މުސްތޮފާއަކީ ރާއްޖޭގެ ތައުލީމީ ނިޒާމު ތަރައްގީކޮށް، ކުރިއެރުވުމުގައި ވަރަށް މުހިންމު ދައުރެއް އަދާކުރެއްވި ބޭފުޅެކެވެ. ރަށްރަށުގައި ކޮމިއުނިޓީ ސްކޫލްތައް ފެށިގެން އައިއިރު ކުރިމަތިވި ދަތިތަކާއި ގޮންޖެހުންތައް ހުރަސްކުރައްވައި ކޮމިއުނިޓީ ސްކޫލްތަކާ އެކު އަތޮޅުތަކުގެ ތައުލީމީ ހަލަތު ރަނގަޅުކުރައްވާ އަދި ތައުލީމުގެ މުހިންމުކަން ރައްޔިތުންނަށް ވިސްނައިދިނުމަށް މަސައްކަތްތަކެއް ކުރެއްވި އެވެ. މުސްތޮފާ ވަނީ ޓޫރިޒަމް މިނިސްޓަރުކަން ވެސް ކުރައްވައިފަ އެވެ.