ދަނޑުވެރިންގެ ދުވަސް ކުރިން އޮތް ގޮތަށް އޮގަސްޓް 10 އަށް ބަދަލުކޮށްފި

ރާއްޖޭގެ އިގްތިސާދީ ބޮޑު އެއް މަސައްކަތް ކަމުގައިވާ ދަނޑުވެރިންގެ އަގު ވަޒަންކޮށް އެ މަސައްކަތް ފާހަގަ ކުރުމަށް ކޮންމެ އަހަރަކުވެސް ދަނޑުވެރިންގެ ދުވަހުގެ ނަމުގައި ދުވަހެއް ދަނީ ފާހަގަ ކުރަމުންނެވެ. އެ ދުވަސް 2009 ވަނަ އަހަރުން ފެށިގެން ފާހަގަ ކުރަމުން ދަނީ ކޮންމެ އަހަރެއްގެ އޮގަސްޓް މަހުގެ 10 ވަނަ ދުވަހުއެވެ. ނަމަވެސް 2020 އިން ފެށިގެން އެ ދުވަސް އޮގަސްޓް 15 އަށް ބަދަލު ކޮށްފައި އޮތް އޮތުން އަނެއްކާވެސް އޮގަސްޓް 10 އަށް ބަދަލުކޮށް އަންނަ ހޮނިހިރު ދުވަހަކީ މިއަހަރުގެ ދަނޑުވެރިންގެ ދުވަސް ކަމަށް ދަނޑުވެރިކަމާ ބެހޭ ވުޒާރާ ކަމުގައިވާ "އެގްރީކަލްޗާ އެންޑް އެނިމަލް ވެލްވެފެެެއަރ އިން ވަނީ މިހާރު ނިންމާފައެވެ. 2009 ވަނަ އަހަރުން ފެށިގެން އޮގަސްޓް 10 ގައި ފާހަގަ ކުރަމުން ދިޔަ ދުވަސް 2020 ވަނަ އަހަރު އޮގަސްޓް 15 އަށް ބަދަލުކުރަން ޖެހުނީ ކޮވިޑް 19 ގެ ސަބަބުންނެވެ.