ރާއްޖޭގެ ލޯކަލް ޓޫރިޒަމް އިޝްތިހާރުކުރުމަށް ކައުންސިލްތަށް ބައިވެރިކޮށްގެން ތައިލޭންޑް ގައި "މޯލްޑިވްސް ޑެސްޓިނޭޝަން ރޯޑްޝޯ" ގެ ނަމުގައި ރޯޑްޝޯއެއް އިއްޔެ ފަށައިފިއެވެ.
އިއްޔެއިން ފެށިގެން 3 ދުވަހުގެ މުއްދަތައް ބާއްވާ އެ ރޯޑްޝޯގައި 16 ސްޓޯލް ބަހައްޓާފައިވާ އިރު 60 ޑެލިގޭޓުން ބައިވެރިވާ ކަމަށް އެ ރޯޑްޝޯ އިންތިޒާމްކުރާ އެމްއައި އެޑްވަޓައިޒިން އިން ބުނެފައިވެއެވެ. އެގޮތުން އެ ރޯޑްޝޯ ގައި އައްޑޫ ސިޓީ ކައުންސިލާއި، ތުލުސްދޫ ކައުންސިލުންނާއި އއ.މަތިވެރި ކައުންސިލުންނާއި، ދިއްފުށި، ވ.ފުލިދޫ، ހިންމަފުށި، އދ.ދިގުރަށް، ޅ.ހިންނަވަރު، ލ.ގަން، އަދި މާފުށިން ވަނީ ބައިވެރިވެފައެވެ.
ޗައިނީސް ނިއު އިޔާ އާއި ދިމާކޮސް ތައިލެންޑުގެ ސެންޓްރަލް ވޯލްޑްގައި ކުރިއަށްގެންދާ މި ރޯޑު ޝޯއަށް ވަރަށް ބޮޑު ތަރުހީބެއް ލިބެމުންދާކަމަށް އެ ޝޯ އިންތިޒާމްކުރާ ފަރާތުން ވަނީ ބުނެފައެވެ.
