ކަރެކްޝަންސްގެ އޮފީސް، ރޭޑިއޯ ބިލްޑިންގ އަށް ބަދަލުކޮށްފި

މޯލްޑިވްސް ކަރެކްޝަނަލް ސާވިސްގެ މައި އޮފީސް މާފަންނު ރޭޑިއޯ ބިލްޑިންއަށް ބަދަލުކޮށްފިއެވެ. ކަރެކްޝަންސްގެ އޮފީސް ރޭޑިއޯ ބިލްޑިންއަށް ބަދަލުކުރީ ގާޒީ ބިލްޑިން ބާވެ، އެ އިމާރާތް ބޭނުންކުރުން ހުއްޓާލަން ސަރުކާރުން ނިންމުމުންނެވެ. 11 އަހަރަށްފަހު ސަތޭކައަށް ވުރެ ގިނަ މުވައްޒަފުންނާ އެކު ކަރެކްޝަންގެ އޮފީސް ގާޒީ ބިލްޑިންގ އިން ރޭޑިއޯ ބިލްޑިންގ އަށް ބަދަލުކޮށް، މިއަދު ވަނީ މަސައްކަތް ކުރަން ފަށާފައެވެ. ޕްރިޒަންސް އޮފީސް ބަދަލުކޮށް، އެ ތަން ރަސްމީކޮށް ހުޅުވައި ބޭނުންކުރަން ފެށުމަށް މިއަދު ބޭއްވި ރަސްމިއްޔާތުގައި ވާހަކަ ދައްކަވަމުން ކޮމިޝަނާ އޮފް ޕްރިޒަންސް އަހުމަދު މުހައްމަދުފުޅު ވިދާޅުވީ ގާޒީ ބިލްޑިންގ އިމާރާތް ބާވެ، އެ ތަނުގައި މަސައްކަތް ކުރުމަށް ދިމާވަމުންދިޔަ މައްސަލަތަކަށް ހައްލު ލިބޭތޯ މަަސައްކަތް ކުރަމުން ދިޔަ ކަމަށެވެ. ސަރުކާރުން ވަނީ ގާޒީ ބިލްޑިން ތަޅާލުމަށް ފަހު އެ ތަން ޕާކިން ޒޯން އަކަށް ބަދަލުކުރުމަށް ނިންމާފައެވެ.