ޖަލަށް މަސްތުވާތަކެތި ވައްދަން އުޅުނު ޖަލު ބަލަހައްޓާ އޮފިސަރެއް މަސްތުވާތަކެއްޗާ އެކު ހައްޔަރުކޮށްފި

މޯލްޑިވްސް ކަރެކްޝަނަލް ސާވިސްގެ އޮފިސަރަކު މަސްތުވާތަކެއްޗާ އެކު ހައްޔަރުކޮށްފިއެވެ. މިކަން ހާމަކޮށް، ޕްރިޒަންސް ކޮމިޝަނަރު އަހުމަދު މުހައްމަދުފުޅު މިއަދު ކުރެއްވި ޓްވީޓެއްގައި ވިދާޅުވީ، ޖަލުގައި މަސައްކަތްކުރާ އެ އޮފިސަރު ހައްޔަރުކޮށްފައިވަނީ، އައްސޭރި ޖަލަށް މަސްތުވާތަކެތި ވައްދަން އުޅޭ ކަމަށް އިންޓެލިޖެންސަށް ލިބުނު މައުލޫމާތަކަށް ދިވެހި ފުލުހުންނާ ގުޅިގެން ހިންގި އޮޕަރޭޝަނެއްގައި ކަމަށެވެ. https://twitter.com/ahumadhumohamed/status/1656977309864448002 އަހުމަދު ވިދާޅުވީ، މިހާރު މި އޮފިސަރު ފުލުހުން ހައްޔަރުކޮށްފައިވާ ކަމަށާއި އަދި އޭނާ ވަޒީފާ އިން ސަސްޕެންޑް ކޮށްފައިވާކަމަށެވެ. މީގެ އިތުރުން ކޮމިޝަނާ އޮފް ޕްރިޒަންސް ވިދާޅުވީ، މިފަދަ ކަންކަމުގައި މަދުން ނަމަވެސް ކަރެކްޝަންސްގެ އޮފިސަރުން ބައިވެރިވުމަކީ ކަންބޮޑުވުން އޮތް ކަމެއް ކަމަށެވެ.