ސިނަމާލެ ބްރިޖް ހެދި ކުންފުނީގެ ވެރިން ޗައިނާގައި ރައީސްއާ ބައްދަލުކޮށްފި

މާލެ އާއި ހުޅުލެއާ ދެމެދު ސިންމާލެ ބްރިޖް އެޅި ޗައިނާ ކޮމިއުނިކޭޝަންސް ކޮންސްޓްރަކްޝަން ކޮމްޕެނީ ލިމިޓެޑް (ސީސީސީސީ) ގެ ވެރިން ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ އަރިހަށް އިހުތިރާމުގެ ޒިޔާރަތެއް ކުރައްވައިފި އެވެ. ރައީސް ޑރ މުއިއްޒު މިހާރު ގެންދަވަނީ  ގިނަ މިނިސްޓަރުންނާއި އިސް ވެރިން ހިމެނެ ދިވެހި ބޮޑު ވަފުދަކއެކު ޗައިނާއަށް ފުރަމާނަ ދަތުރުފުޅެއް ކުރައްވަމުންނެވެ. ރޭ ރައިސް ވަޑައިގެންނެވި އެދަތުރުފުޅުގައި، ޗައިނާގެ އެކި ފަރާތްތަކާ އެކު ބައްދަލުވުންތައް ދަނީ ބާއްވަމުންނެވެ. ޗައިނާގެ ފޫޖިއާން ޕްރޮވިންސްގެ ޝިއަމެން ފްރީޓްރޭޑް ޒޯނަށް ވެސް މިއަދު އެމަނިކުފާނު ޒިޔާރަތްކުރެއްވި އެވެ. އެ ޒޯނުގެ ތައާރަފު ވީޑިއޯއެއް ބައްލަވާލެއްވުމަށް ފަހު އެމަނިކުފާނު ވަނީ އެ ތަނުގެ މުހިންމު ތަންތަން ބައްލަވާލައްވައި އެތަންތަނާ ބެހޭ މައުލޫމާތު އޮޅުންފިލުއްވާފަ އެވެ. [embed]https://twitter.com/presidencymv/status/1744319211655274872[/embed] ސިނަމާލެ ބްރިޖަކީ ރައީސް ޔާމީނުގެ ވެރިކަމުގައި ޗައިނާގެ ސީސީސީސީ ކުންފުންޏާ ހަވާލުކޮށްގެން ހިންގި މަޝްރޫއެކެވެ.