މިއަހަރު މިހާތަނަށް ރާއްޖެއަށް އެންމެގިނަ ފަތުރުވެރިން އައިސްފައިވަނީ، ރަޝިއާ އާއި އިންޑިއާ އިންނެވެ. ރަޝިއާ އިން 79،1666 ފަތުރުވެރިން (ޖުމްލަ ފަތުރުވެރިންގެ %11.9) ޒިޔާރައްކުރި އިރު އިންޑިއާ އިން 71،289 ފަތުރުވެރިން (ޖުމްލަ ފަތުރުވެރިންގެ %10.7) އައިސްފައިވެއެވެ. އަދި ތިންވަނައަށް އެންމެ ގިނަ ފަތުރުވެރިން ޒިޔާރަތްކުރި އިނގިރޭސިވިލާތުން އައީ 64،063 (ޖުމްލަ ފަތުރުވެރިންގެ %9.6) ފަތުރުވެރިންނެވެ.
މިއަހަރު ޖުމްލަ 666،830 ފަތުރުވެރިން ރާއްޖެ އައިސްފައިވެ އެވެ. މިއީ މިދިޔަ އަހަރާ އަޅާބަލާއިރު %19.6 އިތުރު އަދަދެކެވެ.
ކޮވިޑް 19ގެ ކުރިން ޗައިނާ އަކީ ރާއްޖޭގެ ފަތުރުވެރިކަމުގެ އެއް ވަނަ މާކެޓެކެވެ. ތިން އަހަރަށް ފަހު އެގައުމުން ފަތުރުވެރިން އަންނަން ފަށާފައިވާ އިރު ކުރިއާ އަޅާބަލާ އިރު ފަތުރުވެރިން އަންނަ އަދަދު މަދެވެ.
