ޗަމްޕާ ބްރަދާސް އިން ހަދިޔާ ކުރި ކާށި މާލެ ސިޓީ ކައުންސިލުން ބަހަން ފަށައިފި

ދިވެހި ރައްޔިތުންނަށް ޗަމްޕާ ބްރަދާސްގެ ފަރާތުން ހަދިޔާ ކޮށްފައިވާ ކާށި މާލެ ސިޓީ ކައުންސިލުން ބަހަން ފަށައިފިއެވެ. ސިޓީ ކައުންސިލުން އިއްޔެ ނެރުނު އިއުލާނެއްގައި ބުނީ މިއަދުން ފެށިގެން މިމަހުގެ 16 ވަނަ ދުވަހާއި ހަމައަށް ކާށި ބެހުމަށް ހަމަޖެހިފައިވަނީ އިސްލާމިކް މިނިސްޓްރީގެ ދަފްތަރުގައި ފަގީރުންގެ ގޮތުގައި ރަޖިސްޓްރީވެފައިވާ މީހުނަށް ކަމަށެވެ. ކާށި ބަލާ ޑާ އިރު ފަގީރުންގެ ލިސްޓުގައި ހިމެނޭކަން އެނގޭ ލިޔުމެއް ގެންދިއުމަށް މާލެ ސިޓި ކައުންސިލުން އެދެއެވެ. [embed]https://twitter.com/MaleCitymv/status/1645666635871825921[/embed] މިމަހުގެ 17 އިން ފެށިގެން ދިވެހި ކޮންމެ ރައްޔިތަކަށް ވެސް ކާށި ބަހާނެކަމަށާއި، ކާށި ބަލާ ދާއިރު އައިޑީ ކާޑު ގެނެއުމަށް ސިޓީ ކައުންސިލުން އެދެއެވެ. ސިޓީ ކައުންސިލުން ބުނީ ކާށި ބެހުން ކުރިއަށްދާނީ މާލެސިޓީ ކައުންސިލުގެ އާންމު ހިދުމަތްތަކާއި ބެހޭބައި (ތައިސޭކޮށި / ބޮޑުތަކުރުފާނުމަގު) ގައި ކަމަށާއި ހުކުރު ދުވަސް ފިޔަވާ ކޮންމެ ދުވަހެއްގެ ހެނދުނު 09:30 ން 13:30 އަށް އަދި ރޭގަނޑު 21:30 ން 23:30 އަށް ކާށިބެހުން ކުރިއަށް ދާނެކަމަށެވެ.