މާލޭ, އަމީނީ މަގު ގާކޮށި ކުރިމަތިން ދުއްވާފައި ދިޔަ ކާރެއް ކޮންޓްރޯލު ނުވެ ގޮސް ހިނގި އެކްސިޑެންޓެއްގައި އުޅަނދުތަކަކަށް މިއަދު ގެއްލުންވެއްޖެ އެވެ.
މީޑީއާތަކަށް ފޮނުވި މެސެޖެއްގައި ފުލުހުން ބުނީ، އެކަމެއް ހިނގާފައިވަނީ ހެނދުނު 7:50 ހާއިރު ކަމަށެވެ.
އެ އެކްސިޑެންޓުގައި އެ ސަރަހައްދުގައި ޕާކްކޮށްފައި ހުރި 6 ސައިކަލަކާއި ކާރަަކަށް ގެއްލުންވެފައިވާ ކަމަށް ފުލުހުން ބުންޏެވެ. ލިބުނު ގެއްލުނުތަކުގެ ތަފްސީލެއް ފުލުހުން ނުބުނެ އެވެ.
އަދި ބަޔަކަށް އަނިޔާވި ކަމެއްވެސް ފުލުހުން ނުބުނެ އެވެ.
ސޯޝަލް މީޑިއާގައި ދަރުވާ ފޮޓޯތަކުން ފެނޭ ގޮތުން ކާރަށް ވަނީ ގެއްލުންތަކެއް ލިބިފަ އެވެ.
