ބްރިޖް މަތީގައި 4 ސައިކަލު ޖެހި އެކްސިޑެންޓެއް ހިނގައިފި

މިއަދު ހެނދުނު ސިނަމާލެ ބުރިޖު މަތިން ހަތަރު ސައިކަލެއް ޖެހި އެކްސިޑެންޓެއް ހިނގައިފިއެވެ. ފުލުހުން ބުނީ މި އެކްސިޑެންޓުގަައި އަންހެނަކަށް އަނިޔާވެފައި ވާކަމަށެވެ. އަނިޔާވި އަންހެން މީހާއަށް ސެނަހިޔާ ހޮސްޕިޓަލުގައި އަންނަނީ ފަރުވާ ދެމުންނެވެ. މި އެކްސިޑެންޓު ހިނގާފައި ވަނީ ހުޅުމާލެއިން މާލެއަށް ދަތުރުކުރާ ލޭނުގައި ހެނދުނު 7:55 ގަ އެވެ. މި އެކްސިޑެންޓު ހިނގާފައި ވަނީ ބްރިޖުގެ މެދެއްހާ ހިސާބުގަ އެވެ. އެކްސިޑެންޓު ހިނގި ވަގުތަކީ މަގުމަތީގެ ބާރުބޮޑު ވަގުތަކަށް ވުމުން ބްރިޖުގެ ބޮޑު ސަަރަހައްދެއްގައި ޓްރެފިކު ހުއްޓުނެވެ. މި އެކްސިޑެންޓާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ. މިފަހަކަށް އައިސް އެކްސިޑެންޓްތައް ގިނަވެ އަނިޔާ ލިބޭ މީހުން އިތުރުވެފައިވެއެވެ.