ބޮޑުތިލަދުންމައްޗަށް ރޭ ކުރި ވިއްސާރާގައި 69 ގެއެއަކަށް ގެއްލުންވެއްޖެ

ބޮޑުތިލަދުންމަތީގެ ރަށްތަކަށް ރޭ ކުރި ވިއްސާރާހައި 69 ގެއަކަށް ފެންވަދެ ގެއްލުންވެ ކުޅުދުއްފުށީގެ 3 ގެއަކުން މީހުން ބަދަލުކޮށްފައިވާކަމަށް ޑިޒާސްޓަރ މެނޭޖުމަންޓް ސެންޓަރުން ބުނެފިއެވެ. އެސެންޓަރުން ހާމަކޮށްްފައިވާގިތުން ހއ ހޯރަފޫށޫގެ 2 ގެއަކާއި، ކުޅުދުއްފުށި ސިޓީގެ 57 ގެއަކާއި، ށ. ފީވަކާކާއި ށ.ނޫމަރާގެ 5 ގެއަކަށް ފެންވަދެ ވަނީ ގެއްލުންތައް ލިބިފައެވެ. އަދި ކުޅުދުއްފުށި ސިޓީން ފެންބޮޑުވެ ގެއްލުން ލިބުނު 3 ގެއަކުން ވަގުތީ ބޯހިޔާވަހިކަމަށް މިހާރު މީހުން ބަދަލުކޮށްފައިވާކަމަށްވެސް ބުނެފައިވެއެވެ. މިރޭވެސް ބޮޑުތިލަދުންމަތީގެ 3 އަތޮޅަށް ބޯކޮށް ވާރޭ ވެހޭނެކަމަށް ލަފާކޮސް މިރޭގެ 20:30 އިން 22:30 އަށް އެ ސަރަޙައްދައްވަނީ އޮރެންޖު އެލާޓް ނެރެފައެވެ.