ބީއެމްއެލްގެ ބޯޑަށް މެންބަރުން ހޮވައި، ޗެއަރޕާސަން އައްޔަންކޮށްފި

ބޭންކް އޮފް މޯލްޑިވްސްގެ ޑިރެކްޓަރުންގެ ބޯޑަށް މެންބަރުން ހޮވައި އެ ބޯޑުގެ ޗެއަރޕާސަން އައްޔަންކޮށްފިއެވެ. ބީއެމްއެލްގެ ޑިރެކްޓަރުންގެ ބޯޑުގެ ޗެއާޕާސަންގެ މަގާމަށް ހަމަޖައްސާފައިވަނީ ޔޫޝަޢު ސަޢީދު، ހ.ސޭންޑީ ބީޗްއެވެ. ސަރުކާރުގެ ފަރާތުން ބީއެމްއެލް ބޯޑަށް ހުށަހަޅާ އަދި އައްޔަންކޮށްފައިވާ ޑިރެކްޓަރުންނަކީ: 1.ކާރލް ސްޓުމްކަ (ސީއީއޯ އަދި މެނޭޖިންގ ޑިރެކްޓަރ) 2.ޔޫޝަޢު ސަޢީދު، ހ. ސޭންޑީ ބީޗް 3.ޢާއިޝަތު ނޫރައްދީން، މ. ތާނގީދޮށުގެ 4.ޖުވައިރިޔާ ސަޢީދު، މއ. ކޮށީގެ 5.ޢަބްދުﷲ ޙަސަން، ނަސީމާ މަންޒިލް، ރ. އަލިފުށި 6.ޢަބްދުﷲ ޙުސާމް ޝަރީފް، ޑިގުވާންޑު، ސަވާ، ޏ.ފުވައްމުލައް 7..ޢާއިޝަތު ސަޖްނީ، ތަރިވިދާގެ، ސ. ހިތަދޫ އާންމު ހިއްސާދާރުންގެ ފަރާތުން އިންތިޚާބުކޮށްފައިވާ 3 ޑިރެކްޓަރުންނަކީ: 1. އިބްރާހީމް މުޙައްމަދު، ނެލުމް، ނ. ހޮޅުދޫ 2. އަޙްމަދު މުޙައްމަދު، ގ. އުފާ 3. ޢަބްދުالله ނަސީމް، ކަރަންކާ ވިލާ، ހއ. ފިއްލަދޫ ގައުމީ ބޭންކް ބީއެމްއެލްގައި 325،000 އަށްވުރެ ގިނަ ކަސްޓަމަރުން ތިބި އިރު، ބީއެމްއެލް އަށް މިދިޔަ އަހަރު ސާފު ފައިދާގެ ގޮތުގައި ލިބުނީ 1.63 ބިލިއަން ރުފިޔާ އެވެ.