
ބޭރުގައި ދިރިއުޅޭ ދިވެހި ދަރިވަރުންނަށް އިސްލާމް، އަދި ދިވެހި ކިޔަވައިދިނުމުގެ ޕްރޮގްރާމް އިފްތިތާހްކޮށްފި
ބޭރުގައި ދިރިއުޅޭ ދިވެހި ދަރިވަރުންނަށް އިސްލާމް، އަދި ދިވެހި ކިޔަވައިދިނުމުގެ ޕްރޮގްރާމް އިފްތިތާހްކޮށްފި
ލިޔުން:
ރާއްޖެއިން ބޭރުގައި ދިރިއުޅެމުންދާ ދިވެހި ދަރިވަރުންނަށް އިސްލާމާއި، ދިވެހި ކިޔަވައިދިނުމުގެ ޕްރޮގްރާމް "ރިވެލި" ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިރޭ އިފްތިތާހްކޮށްދެއްވައިފިއެވެ.
މި ޕްރޮގްރާމް އިފްތިތާޙް ކޮށްދެއްވީ ރައީސް ޑރ.މުއިއްޒު، އެކުވެރި ޢަރަބި އިމާރާތަށް މިހާރު ކުރައްވަމުންގެންދަވާ ދަތުރުފުޅުގެ ތެރެއިން އެ ޤައުމުގައި ދިރިއުޅުއްވާ ދިވެހި ރައްޔިތުންނާ ބައްދަލުކުރެއްވުމަށް ދުބާއީގައި މިރޭ ބޭއްވެވި ބައްދަލުކުރެއްވުމުގެ ތެރެއިންނެވެ.
މިރޭގެ ބައްދަލުވުމުގައި ރައީސުލްޖުމްހޫރިއްޔާ ވަނީ ބައްދަލުވުމަށް ވަޑައިގެންނެވި އެކުވެރި އަރަބި އިމާރާތުގައި ދިރިއުޅޭ ދިވެހިންނަށް ދަތިވާ ކަންކަމާއި ބޭނުންވާ ކަންކަމާބެހޭ ގޮތުން މަޝްވަރާކުރައްވާފައެވެ.
ރާއްޖެއިން ބޭރުގައި ދިރިއުޅެމުންދާ ދިވެހި ދަރިވަރުންނަށް ދިވެއްސާއި އިސްލާމް ކިޔަވައިދިނުމުގެ ޕްރޮގްރާމް އިފްތިތާހްކޮށްފައިވާއިރު، ޑިސެމްބަރުމަހުގެ ތެރޭގައި ކޮޕް ސަމިޓަށް ޔޫއޭއީއަށް ކުރެއްވި ދަތުރުފުޅުގައި އެގައުމުގައި ތިބި ދިވެހި ދަރިވަރުންނާއި ބައްދަލުކުރައްވައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވަނީ، ބޭރުގައި ކިޔަވަމުންދާ ދިވެހި ދަރިވަރުންނަށް އިސްލާމް ދީނާއި ދިވެހި ބަސް އަދި ދިވެހި ގައުމިއްޔަތު އުނގަންނައިދެވޭނެ އިންތިޒާމު ހަމަޖައްސަވައިދެއްވާނޭކަމަށް ވިދާޅުވެފައެވެ.
އެގޮތުން ސަރުކާރުން އަލަށް އުފެއްދި މިނިސްޓްރީ އޮފް ދިވެހި ލެންގުއޭޖް، ކަލްޗަރ އެންޑް ހެރިޓޭޖްގެ މަސައްކަތްތަކުގެ ތެރެއިން ބޭރުގައި ހުންނަ ރާއްޖޭގެ އެމްބަސީތަކާއި ކޮންސިއުލޭޓްތަކާ ގުޅިގެން، ދިވެހިންނަށް ވެސް ދިވެހި ބަހާއި އިސްލާމްދީނަށް ލޯބިޖެހޭނޭހެން ތައުލީމީ ޕްރޮގްރާމުތައް ކުރިއަށްގެންދަވާނޭކަމަށް ރައީސް ވަނީ ވިދާޅުވެފައެވެ.
ބޭރުގައި ދިރިއުޅެމުންދާ ދިވެހި ދަރިވަރުންނަށް ހާއްސަކޮށް ދިވެހި އަދި އިސްލާމް މާއްދާތައް ކިޔަވައިދިނުމަށް މިދިޔަ ސަރުކާރުން ވެސް ވަނީ ވަރަށް މުހިއްމު މަސައްކަތްތަކެއް ކޮށްފައެވެ.
މިގޮތުން ގިނަ އަދަދެއްގެ ދިވެހިން ތައުލީމް ހާސިލްކުރަމުންދާ މެލޭޝިއާގައި އެސްއެސްސީ އިމްތިހާނު ހެދޭނޭ އިންތިޒާމް ހަމަޖައްސާފައިވާކަން ފާހަގަކޮށްލެވެއެވެ
ކިޔުންތެރިންގެ ސަމާލުކަމަށް

ކަތީބުން މަގުހިނގާއިރު ކުނިކަހަންތިބޭ މީހުން އެއްފަރާތަށްޖެހިލައި އިހްތިރާމް އަދާކުރި ޒަމާނުން ފިޅާވަޅު ދަސްކުރަންޖެހޭ: ރައީސް

ހއ ދިއްދޫގަ މަސްތުވާތަކެތީގެ ވިޔަފާރިކުރާ އުމުރުން ދުވަސްވީ މީހަކު ހައްޔަރުކޮށްފި

މިރޭ ބާއްވާ އެއްވުމުގެ މައުލޫމާތު ކުރިން ހިއްސާއެއްނުކުރޭ، ގާނޫނާ ހިލާފު އެއްވެސް އަމަލެއް ހިންގާނަމަ ވަގުތުން ފިޔަވަޅު އަޅާނަން: ފުލުހުން

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
