ބަންގްލަދޭޝްގެ 2 މީހަކު ހޯދަން އިމިގްރޭޝަނުން އިއުލާނުކޮށްފި

ބަންގްލަދޭޝްއަށް ނިސްބަތްވާ 2 މީހަކު ހޯދުމަށް މޯލްޑިވްސް އިމިގްރޭޝަނުން އިއުލާނުކޮށްފިއެވެ. ފިލައިގެން އުޅޭތީ އިމިގްރޭޝަނުން ހޯދަމުންދަނީ ބަންލަދޭޝްގެ އުމުރުން 30 އަހަރުގެ 2 ފިރިހެނުންނެވެ. އެގޮތުން، އެ އިދާރާއިން ވަނީ އެ ދެމީހުންނާ ގުޅޭ މައުލޫމާތެއް އެނގޭނަމަ އިމިގްރޭޝަންއަށް ގުޅައިގެން (9199017) ނުވަތަ އީމެއިލް (risk@immigration.gov.mv) މެދުވެރިކޮށް އެ މައުލޫމާތު ހިއްސާ ކުރުމަށް އެދިފައެވެ. https://twitter.com/ImmigrationMV/status/1746765671009296486 ރާއްޖޭގައި ގަވާއިދާ ހިލާފަށް ދިރިއުޅެމުންދާ ބިދޭސީންގެ މައްސަލައަށް އަވަސް ހައްލެއް ހޯދުމުގެ ގޮތުން އިމިގްރޭޝަނުން ދަނީ ހާއްސަ އޮޕަރޭޝަންތަކެއް ހިންގަމުންނެވެ. އެ އޮޕަރޭޝަންތަކުގައި ބިދޭސީންގެ އައިޑެންޓިޓީ އަދި ވިސާ ޗެކް ކުރުމަށްފަހު، އިމިގްރޭޝަންގެ ގާނުނާ ހިލާފުވާ ބިދޭސީންނަށް ފިޔަވަޅު އެޅުމާއި އަދި ބިދޭސީން ގަވާއިދުގެ ތެރެއަށް ފެއްތުމުގެ އެންމެހާ މަސައްކަތް ކުރެއެވެ. އެ އޮޕަރޭޝަން ކުރިއަށް ގެންދިއުމުގެ މަގުސަދަކީ ރާއްޖޭގައި ގަވާއިދާ ހިލާފަށް އުޅެމުންދާ ބިދޭސީން މަދު ކުރުމާއި މަސައްކަތް ކުރުމަށް ރާއްޖޭގައި ދިރިއުޅޭ ބިދޭސީންގެ ކަންކަން ގަވާއިދާ އެއްގޮތަށް ބައްޓަން ކުރުން ކަމަށް އިމިގްރޭޝަންއިން ވަނީ ބުނެފައެވެ.