ބާޒާރުގައި އޮރެންޖުގެ އަގު އަނެއްކާވެސް އުފުލިއްޖެ

މާލޭ ބާޒާރުގައި އޮރެންޖުގެ އަގު އަނެއްކާވެސް އުފުލިއްޖެއެވެ. ބާޒާރުމަތީ ފިހާރަތަކުގައި މިއަދު އޮރެންޖުގެ އަގު ހުރިގޮތަށް ބަލާއިރު، އޮރެންޖުގެ އަގު އުޅެނީ 6 ރުފިޔާއިން މަތީގައެވެ. ރާއްޖެއަށް މޭވާ އާއި ތަރުކާރީގެ ގިނަ ބާވަތްތަކެއް އެތެރެކުރަމުން އަންނަ މަޑިހާ ކުންފުނީގެ އުފަންވެލި ޝޮޕްގައި އޮރެންޖެއް 8 ރުފިޔާއަށް ލިބެންހުރިއިރު، ހުޅުމާލޭގެ ގިނަ ފިހާރަތަކުން އޮރެންޖު މިހާރު ލިބެންހުރީ 7 ރުފިޔާއަށެވެ. މިނިވަންއާ މައުލޫމާތު ހިއްސާކުރި ބައެއް ވިޔަފާރިވެރިން ބުނީ، މިދުވަސްވަރު އޮރެންޖުގެ އަގު ބޮޑުވުމުގައި ޑޮލަރު ލިބުން ދަތިވުމުގެ އިތުރުން ރާއްޖެއިން ބޭރުން އޮރެންޖު ލިބުމުގައި ދަތިތަކެއް  އުޅޭތީއެވެ. [caption id="attachment_96535" align="alignnone" width="768"] މާލޭގެ ފިހާރައެއް--- ފޮޓޯ/ އަމްޖަދު ވަހީދު[/caption] މާލޭ ބާޒާރުގައި މޭވާގެ ބާވަތްތަކުގެ ތެރެއިން އޮރެންޖު ފާހަގަކުރެވެނީ އެންމެ އަވަހަށް އަގު ބަދަލުވަމުންދާ އެއްޗެހީގެ ތެރޭގައެވެ. މިދިޔަ އަހަރުގެ ފަހުކޮޅު ބާޒާރުގައި އޮރެންޖުގެ އަގު 15 ރުފިޔާއަށް އުފުލުނުއިރު، ބާޒާރުމަތީ ބައެއް ފިހާރަތަކުން ވަކިން އޮރެންޖެއް 20 ރުފިޔާއަށް ޑެލިވަރީކޮށްދީފައިވެސް އެބަހުއްޓެވެ.