ރައީސުލްޖުމްހޫރިއްޔާ ޑރ މުޙައްމަދު މުއިއްޒުގެ މަސައްކަތްފުޅަށް 62 އިންސައްތަ މީހުން ތާއިދުކުރާކަމަށް، 120 ފޮލޯވަރސް ތިބި ބާނި ސެންޓާ ފޯ އިންޓަނޭޝަނަލް ނުވަތަ ބާނި_ސެންޓަރުގެ ނަމުގައި އެކްސްގައި ހިންގާ އެކްސް އެކައުންޓަކުން ބުނެފި އެވެ.
ބާނި ސެންޓާ ފޯ އިންޓަނޭޝަނަލް ނުވަތަ ބާނި_ސެންޓަރ އިން ކޮށްފައިވާ ޕޯސްޓްގައި ބުނެފައިވަނީ ރައީސް މުއިއްޒު ވެރިކަން ކުރައްވާ ގޮތާ މެދު ދެކޭ ގޮތް ބެލުމަށް ވޯޓުލާ އުމުރުގެ ދިވެހިންނާ މިދިޔަ ނޮވެމްބަރު 23 އިން ޑިސެމްބަރ 1 ވަނަ ދުވަހާ ހަމައަށް ސުވާލުކޮސް ސާވޭއެއް ހަދާފައިވާ ކަމަށެވެ.
ބާނީ އިން ބުނީ އެ ސާވޭގައި ބައިވެރިވި މީހުންގެ ތެރެއިން 62 އިންސައްތަ މީހުން އެ ރައީސް މުއިއްޒު ވެރިކަންކުރައްވާ ގޮތާމެދު "ހިތްހަމަޖެހޭ" ނުވަތަ "ވަރަށް ބޮޑަށް ހިތްހަމަޖެހޭ" ކަމަށް ބުނެފައިވާ ކަމަށެވެ. އަދި ރައީސް މުއިއްޒު ވެރިކަން ކުރައްވާ ގޮތާމެދު "ހިތްހަމަނުޖެހޭ" ނުވަަތަ "ވަރަށް ބޮޑަށް ހިތްހަމަނުޖެހޭ" ކަމަށް ބުނެފައިވަނީ 38 އިންސައްތަ މީހުން ކަމަށެވެ. އަދި އެ ނަތީޖާއާއިއެކު ރައީސް މުއިއްޒު އަށް 24+ ނެޓް އެޕްރޫވަލް ރޭޓިންއެއް ލިބިލައްވާފައިވާ ކަމަށްވެސް ބުނެފައި ވެއެވެ.
Baani’s latest poll finds strong support for President Muizzu, with 62% of Maldivian voters approving of his performance midway through his first term, giving him a net approval rating of +24 points. pic.twitter.com/Ii9GDp2vJ5
— Baani (@Baani_Centre) December 18, 2025
މި ނަތީޖާގެ އިތުރު ތަސްސީލުގައި ބާނީގެ ޕޯސްޓްގައި ބުނެފައިވަނީ ރައީސް މުއިއްޒުގެ ވެރިކަން ކުރައްވާ ގޮތާމެދު ހިތްހަމަޖެހޭކަމަށްބުނި 62 އިންސައްތަ މީހުންގެ ތެރެއިން 21 އިންސައްތަ މީހުން ބުނެފައިވަނީ "ވަރަށް ބޮޑަށް" ހިތްހަމަޖެހޭ ކަމަށާއި، އަނެއް 41 އިންސައްތަ މީހުން ބުނެފައިވަނީ "ހިތްހަމަޖެހޭ" ކަމަށް ކަމަށެވެ.
މީގެ އިތުރުން ފިރިހެނުންނަށް ވުރެ އަންހެނުންގެ މެދުގައި ރައީސް މުއިއްޒު އަށް އޮތް ތާއިދު ބޮޑުކަމަށްވެސް އެ ސާވޭއިން ދައްކާ ކަމަށް ބާނީ އިން ބުނެފައި ވެއެވެ.
