އަނބިމީހާއަށް އަނިޔާކުރި މައްސަލައިގެ ތުހުމަތުގައި ހައްޔަރު ކުރި އިންޑިއާ މީހާ ދޫކޮށްލައިފި އެވެ.
މައްސަލައިގައި ތުހުމަތު ކުރެވޭ އިންޑިއާގެ ރައްޔިތެއް ކަމަށްވާ ހުސެއިން ސަޔެދު އަބްރާރް ހުސައިން (53އ) ކްރިމިނަލް ކޯޓުން ދޫކޮށްލީ އިއްޔެ އެވެ. އޭނާ ބަންދުން ދޫކޮށްލިއިރު ޕާސްޕޯޓް ހިފަހައްޓަން ވަނީ އަމުރެއް ނެރެފަ އެވެ. މަންމަ އަށް ދޮންބައްބަ އަނިޔާކުރި މަންޒަރު އަންހެންމީހާގެ ދަރިންނަށް ފެނިވާ ކަމަށް ވެސް ފުލުހުން ބުނެފައިވެއެވެ. އަދި ފުލުހުން ވަނީ، އަނިޔާ ލިބުނު މީހާގެ ބަޔާނާއި އަނިޔާ ލިބުނު ފަރާތުގެ ފޮޓޯތައް ވެސް ފުރަތަމަ ބަންދުގެ މަޖިލީހުގައި ހުށަހަޅާފަ އެވެ.
ނަމަ ވެސް އޭނާ ބަންދުން ދޫކޮށްލީ މައްސަލައިގައި އަނިޔާ ލިބުނު އަނެހެން މީހާ މައްސަލަ ދޫކޮށް މައްސަލާގައި އިތުރަށް ކުރިއަށް ދާން ބޭނުންނުވުމުންނެވެ.
"[އޭނާގެ އަންހެނުން] މައްސަލައިގައި އިތުރަަށް ކުރިއަށް ދާން ބޭނުން ނުވާތީ، މީނާ ބަންދުން ދޫކޮށްލަން ނިންމީ އެވެ،" ކްރިމިނަލް ކޯޓުގެ ގާޒީ އަލީ އާދަމް ނެރުއްވި އަމުރުގައިވެ އެވެ.އުމުރުން 53 އަހަރުގެ ސަޔެދުގެ މައްޗަށް ގެވެށި އަނިޔާއާއި މާރާމާރީއާއި ބިރުދެއްކުމާއި އިންޒާރު ދިން ކަމަށް ތުހުމަތުކޮށްފައިވެ އެވެ.
