އަންހެނުންގެ ކޮމިޓީތަކުގެ ބައި-އިލެކްޝަންގެ ވޯޓުފޮށި ބަހައްޓާ ތަންތަން ކަނޑައަޅައިފި

އަންނަ މަހު 17 ގައި 17 ގައި ބޭއްވުމަށް ހަމަޖެހިފައިވާ އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ ބައި-އިލެކްޝަނުގައި ވޯޓުފޮށި ބަހައްޓާނެ ތަންތަނާއި ވޯޓުލާ ސަރަހައްދުތައް ކަނޑައަޅާ، އިލެކްޝަންސް ކޮމިޝަނުން އާންމުކޮށްފިއެވެ. އެދުވަހު ބޭއްވުމަށް ހަމަޖެހިފައިވަނީ ތ.ގާދިއްފުށީ، ރ.މީދޫ، ގދ.ހޯޑެއްދޫ، ގދ.ވާދޫ، ކ.މާމެންދޫ، ކ.ދިއްފުށި، މ.ވޭވަށު، ފ.ބިލެއްދޫ، ށ.މާއުނގޫދޫ އަދި ހދ.ފިނޭގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަންތަކެވެ. [caption id="attachment_88457" align="aligncenter" width="553"] ބައި-އިލެކްޝަންތަކުގެ ވޯޓުފޮށިތައް ބެހެއްޓުމަށް ހަމަޖައްސާފައިވާ ތަންތަން[/caption] ޤާނޫނު ބުނާގޮތުން އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ މެމްބަރުން އިސްތިއުފާ ދެއްވައިފިނަމަ، 60 ދުވަހުގެ ތެރޭގައި އިންތިހާބު ބާއްވައި ހުސްވި މަގާމަށް މެމްބަރަކު އަންޔަން ކުރަން ޖެހޭނެއެވެ. އެކި ސަބަބުތަކާހެދި މަގާމު ހުސްވެފައިވާ އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ ބައި-އިލެކްޝަން،  އަހަރަކު އެއްފަހަރު ބޭއްވުމަށް ނިންމީ، ކައިރި ކައިރީގައި އަންހެނުންގެ ކޮމެޓީތަކުގެ އިންތިހާބު ބާއްވަންޖެހުމުން އެކަމަށް ހިނގާ ހަރަދު ބޮޑުވާތީކަަމަށް އިލެކްޝަންސް ކޮމިޝަނުން ބުނެއެވެ.