އަމިއްލައަށް އިސްތިއުފާ ދޭންޖެހޭގޮތަށް އެންޓި ޑިފެކްޝަން ބިލް ފާސްކޮށްފި
އަމިއްލައަށް އިސްތިއުފާ ދޭންޖެހޭގޮތަށް އެންޓި ޑިފެކްޝަން ބިލް ފާސްކޮށްފި
ލިޔުން:
ޕާޓީ ބަދަލުކުރުމުން އަމިއްލައަށް އިސްތިއުފާ ދޭންޖެހޭގޮތަށް އެންޓި ޑިފެކްޝަން ބިލް ރައްޔިތުންގެ މަޖިލީހުން މިއަދު ފާސްކޮށްފިއެވެ.
މި ބިލް ރައްޔިތުންގެ މަޖިލީހަށް ހުށަހަޅާފައިވަނީ ބާރަށު ދާއިރާގެ މެންބަރު އަޙްމަދު އަބްދުﷲއެވެ. މި ބިލް މަޖިލީހުގެ ތަޅުމަށް ބަލައިގަނެފައިވަނީ މިދިޔަ މާޗްމަހުގެ 26 ވަނަ ދުވަހުއެވެ.
މި ބިލް ފާސްކުރުމަށް ހުށަހެޅުމުން 33 މެމްބަރަކު ވަނީ ބިލް ފާސްކުރުމަށް ފެންނަކަމަށް ވޯޓު ދީފައެވެ. އަދި ހަ މެމްބަރަކު ވަނީ ބިލް ފާސްކުރުމަށް ނުފެންނަކަމަށް ވޯޓުދީފައެވެ. މި ބިލުގައި ބަޔާންކުރާ މެމްބަރުންގެ ތެރެގައި ރައްޔިތުން މަޖިލީހުގެ މެމްބަރުންގެ އިތުރުން އަތޮޅު ކައުންސިލަރުންނާއި، ރަށު ކައުންސިލަރުންގެ އިތުރުން އަންހެނުން ކޮމިޓީގެ މެންބަރުން ހިމެނެއެވެ.
މި ބިލް ފާސްކުރިއިރު، އެމްޑީޕީއަށް ނިސްބަތްވާ ހަތް މެމްބަރުންގެ ކޮމިޓީން ބިލަށް ގެނައި އެންމެ ބޮޑު ބަދަލަކީ ޕާޓީ ބަދަލުކުރުމުން ގޮނޑި ގެއްލޭގޮތަށް އޮތްނަމަވެސް އަމިއްލައަށް އިސްތިއުފާ ދޭންޖެހުމެވެ. އަމިއްލައަށް އިސްތިއުފާ ދޭން ޖެހޭ އެއް ހާލަތަކީ އިންތިހާބުވި ޕާޓީން ވަކިވެ އެހެން ޕާޓީއަކަށް ބަދަލުވުމާއި، އަމިއްލަ ގޮތުން އިންތިހާބުވި މެމްބަރަކު އެއްވެސް ޕާޓީއެއްގެ ދަފްތަރުގައި ހިމެނުމެވެ.
މި ބިލު ހުށަހެޅި ފަރާތުން ބިލް ހުށަހެޅި ސަބަބެއްގެ ގޮތުން ބުނެފައިވަނީ، ރައްޔިތުންގެ މަޖިލީހުގެ މެންބަރުންނާއި، އިދާރީ ދާއިރާތައް ލާމަރުކަޒީ އުސޫލުން ހިންގުމަށް ގާއިމުކޮށްފައިވާ އަތޮޅު ކައުންސިލްތަކަށާއި، ރަށުކައުންސިލް ތަކަށާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީތަކަށް ރައްޔިތުން އިންތިހާބުކުރާ ދައުރުގެ ތެރޭގައި އެ އިންތިހާބުކުރި ސިޔާސީ ފިކުރުގައި ދެމިތިބޭ ބައެއްކަން ކަށަވަރުކުރުން ކަމަށެވެ. އަދި ރައްޔިތުން އިންތިހާބުކުރާ މަގާމުތަކުގައި ތިބޭ މީހުންނަކީ ތަފާތު ސިޔާސީ އަދި މާލީ ނުފޫޒުން އެއްކިބާވެފައިވާ އަދި އާންމު ރައްޔިތުންގެ މެދުގައި އިތުބާރާއި ޔަގީންކަން ލިބިގެންވާ ބައެއްކަމަށް ހެދުންކަމަށެވެ.
ކިޔުންތެރިންގެ ސަމާލުކަމަށް
ރާއްޖޭގެ އިސްތިގުލާލު ގެއްލި މިނިވަންކަމަށް ބުރޫ އަރާނީ ވެރިކަމުގަ މިހާރު ތިބި ގަމާރުންނަށް ތަނެއްދޮރެއް ނޭނގޭތީ: ރައީސް ނަޝީދު
އެމްޑީޕީ ކޮންގްރެސްގެ ބައިވެރިންނާ ބައްދަލުކޮށް، އެޕާޓީގެ އަސާސީ ޤަވާއިދަށް ފައްޔާޒް ހުށަހަޅާ އިސްލާހުތަކާ ގުޅޭ މައުލޫމާތު ދެއްވައިފި
އެމްޑީޕީ ރިޔާސީ ޕްރައިމަރީގައި ވާދަކުރައްވާނެ ކަމަށް ހާމަކުރެއްވި ބޭފުުޅުންގެ ތެރެއިން ރަސްމާލެ ވިއްކާލުމާ ފާޅުގަ ދެކޮޅު ހަދަން ކެރިވަޑައިގަތީ ފައްޔާޒަށް އެކަނި: އަކްރަމް
އެމްޑީޕީގެ ވެރިކަމުގައި ޢާންމު ނުވާ މިންވަރަށް މަގުތައްމަތީ އޮރިޔާން އާންމުވެއްޖެ: ޝެއިޙް ޒަމްޒަމް ފާރިޝް
އީގަލް ހިލްސް ވެބްސައިޓުގަ ހާމަކޮށްފައިހުރި ސަރުކާރުން ހާމަނުކުރާ ބައެއް މައުލޫމާތު ކޮންމެވެސް ސަބަބަކާހުރެ އީގަލް ހިލްސްގެ ވެބްސައިޓުން ނަގައިފި
އީގަލް ހިލްސް ޕްރޮޖެކްޓުގެ ވަށައިގެންވާ ހުރިހާ ކަމެއް ރައްޔިތުންނަށް ހާމަކޮށްފައިނޫނީ އެ މަޝްރޫއު ކުރިއަށް ނުގެންދަން ފައްޔާޒު ގޮވާލައްވައިފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!