އެއާ އެމްބިއުލާންސްގެ ގޮތުގައި ބޭނުންކުރާ ބޯޓު ރައްކާތެރިވާނެ: އައިއޭއެސް

އެއާ އެމްބިއުލާންސުގެ ގޮތުގައި އައިލެންޑް އޭވިއޭޝަނުން ބޭނުންކުރާ ބޯޓު ރައްކާތެރިވާނޭކަމަށް އެކުންފުނިން ބުނެފިއެވެ. ރާއްޖޭގައި ފުރަތަމަ ފަހަރަށް މިއަދު އެއާ އެމްބިއުލާންސުގެ ހިދުމަތް ފަށާފައިވާއިރު، މިކަމުގައި ގެންގުޅޭ ބޯޓާ ގުޅޭގޮތުން ބައެއް ފަރާތްތަކުން ދައްކަމުންދާ ވާހަކަތަކާގުޅޭގޮތުން އައިލެންޑް އޭވިއޭޝަނުން ބުނީ، މި ބޯޓުގެ ރައްކާތެރިކަމާ ގުޅޭގޮތުން އެކުންފުނިން ބުނީ މި ބޯޓަކީ ސަލާމަތީ ގޮތުން ރައްކާތެރި ބޯޓެއް ކަމަށެވެ. އައިލެންޑް އޭވިއޭޝަނުން ބުނީ، އެއާ އެމްބިއުލާންސުގެ ގޮތުގައި ބޭނުންކުރުމަށް ނިންމި މި ބޯޓް މިހާތަނަށް ބޭނުންކުރަމުން އައިސްފައިވަނީ އެކުންފުނީގެ ޝެޑިއުލް ދަތުރުތައް ކުރުމަށް ކަމަށެވެ. މި ބޯޓު ތައްޔާރުކޮށްފައިވަނީ އެމަޖެންސީ ފަރުވާ ދެވޭގޮތައްކަން ފާހަގަކުރަމުން އައިލެންޑް އޭވިއޭޝަނުން ބުނީ މި ބޯޓުގައި އެމަޖެންސީ ފަރުވާއަށް ބޭނުންވާނެ އާލަތްތައް ހަރުކޮށްފައިވާކަމަށެވެ. https://twitter.com/MaldivianAero/status/1763549066720579893 އައިލެންޑް އޭވިއޭޝަނުން ބުނީ އެކުންފުނިން އަބަދުވެސް އިސްކަން ދޭނީ ކްރޫއިންނާއި، ދަތުރުވެރިންގެ ސަލާމަތާއި ރައްކާތެރިކަން ކަށަވަރުކުރުމަށް ކަމަށެވެ. އެއާ އެމްބިއުލާންސްގެ ހިދުމަތް މިއަދު ފަށާފައިވާއިރު، މި ހިދުމަތުން ރައްޔިތުންނަށް ލިބޭނެ އެންމެ ބޮޑު ހިތްހަމަ ޖެހުމަކަށްވާނީ، ކުއްލި ހާލަތުގައި ބަލިމީހާއަށް ފަރުވާ ހޯދުމަށް މީގެކުރިން ހޭދަކުރަންޖެހުނު ވަގުތު ވަރަށްބޮޑަށް ކުރުވެގެން ދިއުންކަމަށް ހެލްތު މިނިސްޓަރު އަބުދުﷲ ހަލީލް އިއްޔެ ވަނީ ވިދާޅުވެފައެވެ. މި ބޯޓުގައި އެމަޖެންސީގައި ދެ މީހުން އުފުލޭއިރު، ކުރިއަށް އޮތްތަނުގައި އެ އަދަދު އިތުރުކުރަން ބޭނުންވެއްޖެ ނަމަ އެކަންވެސް ކުރެވޭނޭކަމަށް މިނިސްޓަރު ވަނީ ވިދާޅުވެފައެވެ.