އޭއައިއޭ ކުންފުނީގެ ބޯޑަށް ޝަޒްރާ އައްޔަންކޮށްފި

އައްޑޫ އިންޓަނޭޝަނަލް އެއާޕޯޓް ކޮމްޕެނީގެ ޑިރެކްޓަރުންގެ ބޯޑަށް ސ.ފޭދޫ/މޫންލައިޓް ޝަޒްރާ ޝާކިރު އައްޔަން ކޮށްފިއެވެ. އިއްޔެ ވަނީ އެ ކުންފުނީގެ ބޯޑަށް ޕްރައިވަޓައިޒޭޝަން އެންޑް ކޯޕަރޭޝަން ބޯޑު (ޕީސީބީ) އިން ޝަޒުރާ އައްޔަންކޮށް އެކަމުގެ ލިޔުން ހަވާލުކޮށްފައެވެ. ޝަޒްރާ ވަނީ ބިޒްނަސް އެޑްމިނިސްޓްރޭޝަންގެ ދާއިރާ އިން މާސްޓާސް ހާސިލް ކުރައްވާފައެވެ. [embed]https://twitter.com/pcb_gov/status/1663369003002400770?s=20[/embed] ޝަޒުރާ ވަނީ މީގެ ކުރިން ރާއްޖޭގައި ހުންނަ މޮރިޝަސް ކޮމާޝަލް ބޭންކްގެ އެޗްއާރް ރެޕްރެޒެެންޓޭޓިވްގެ މަގާމާއި އައިލެންޑް އޭވިއޭޝަން (އައިއޭއެސް) ގެ އެޑްމިނިސްޓްރޭޝަން މެނޭޖަރުކަން ވެސް ކުރައްވައިފައެވެ. އޭނާ އެންމެ ފަހުން މަސައްކަތް ކުރެއްވީ އެފްޖޭއެސް ކޮންސަލްޓިން ޕްރައިވެޓް ލިމިޓެޑްގެ ޑެޕިއުޓީ ޕްރޮޖެކްޓް މެނޭޖަރެއްގެ ގޮތުގައެވެ. އޭއައިއޭ ކުންފުނީގެ މެނޭޖިން ޑިރެކްޓަރެއްގެ ގޮތުގައި މިހާރު ހުންނެވީ ގައިސް ނަސީރު ކަމަށްވާއިރު، ކުންފުނީގެ ޗެއާމަނަކީ އަޒާން އަހުމަދު ޒުހައިރެވެ. އެ ކުންފުނި އުފެއްދީ 2011 ވަނަ އަހަރުއެވެ. އަދި އޭއައިއޭ އަކީ މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އާއި އެސްޓީއޯގެ އިތުރުން ޗަމްޕާ ހުސައިން އަފީފުގެ ކާސާ ހޯލްޑިންސް، މި ތިން ކުންފުނި ހިއްސާ އޮންނަ ކުންފުންޏެކެވެ.