އައްޑޫ ހިތަދޫ މެދު ދާއިރާގެ ގޮނޑި ނޫސްވެރިޔާ އަޒާން އަށް

އައްޑޫ ހިތަދޫ މެދު ދާއިރާގެ ވަގުތީ ނަތީޖާއަށް ބަލާއިރު، މިހާތަނަށް ގުނި ފޮށިތަކުން ކުރީގައި އުޅެނީ ޕީއެންސީގެ ކެންޑިޑޭޓު އަދި ނޫސްވެރިޔާ އަހުމަދު އަޒާން އެވެ. ވަގުތީ ނަތީޖާ ދައްކާގޮތުން އަޒާނަށް ހިތަދޫ މެދު ދާއިރާ - ފޮށި ނަމްބަރު - 3 ފޮށިންވެސް ވަނީ 261 ވޯޓް ލިބިފައެވެ. މި ފޮށިން ދެވަނައަށް އެންމެ ގިނަ ވޯޓު ހޯދާފައިވަނީ، އެމްޑީޕީގެ ކެނޑިޑޭޓް މުހައްމަދު ޝުއާއު އެވެ. އޭނާއަށް ވަނީ 145 ވޯޓް ލިބިފައެވެ. ހިތަދޫ މެދު ދާއިރާ - 09 ވަނަ ފޮށިން އަޒާނަށް 221 ވޯޓު ލިބުނުއިރު، އެމްޑީޕީގެ ކެނޑިޑޭޓަށް ލިބިފައިވަނީ 177 ވޯޓެވެ. ހިތަދޫ މެދު ދާއިރާ  އެސް05.1.3 ފޮށިން އަޒާނަށް 263 ވޯޓު ލިބުނުއިރު، މުހައްމަދު ޝުއާއު ލިބުނީ 146 ވޯޓެވެ. ހިތަދޫ މެދު ދާއިރާގެ ގޮނޑި މީގެ ކުރިން ހުރިހާ ފަހަރަކުވެސް ކާމިޔާބުކޮށްފައިވަނީ އެމްޑީޕީންނެވެ.