އައްޑޫގައި އެމްބިއުލާންސް ދަށުވެ އެކްސިޑެންޑްވި ޒުވާނާގެ ހާލު ސީރިއަސް

އައްޑޫ ހިތަދޫގައި އިއްޔެ ސައިކަލާކާއި އެމްބިއުލާންސެއް ޖެހި ހިނގި ނުރައްކާތެރި  އެކްސިޑެންޓެއް ގައި އަނިޔާވި ޒުވާނާގެ ސިކުނޑި އަށް ލޭ އެޅިފައިވާ ކަމަށާއި އިތުރު ފަރުވާއަށްލެ ފޮނުވުމުގެ މަސައްކަތް ކުރަމުންދާ ކަމަށް އައްޑޫ އިކްއެޓޯރިއަލް ހޮސްޕިޓަލުން ބުނެފިއެވެ. އިކުއެޓޯރިއަލް ހޮސްޕިޓަލުގެ އައިސީޔޫގައި ފަރުވާ ދެމުން އަންނަ 18 އަހަރުގެ އެ ޒުވާނާ ފަރުވާ އަށް މާލެ ފޮނުވުމުގެ މަސައްކަތް ކުރަމުން ދިޔަނަމަވެސް އަދި ނުފޮނުވޭކަމަށް ވެސް އެހޮސްޕިޓަލުން ބުނެފައިވެއެވެ. މައުލޫމާތު ލިބުން ގޮތުގައި އަނިޔާވި ޒުވާނާ ހޮސްޕިޓަލަށް ގެންދެވުނީ 20 މިނިޓް ފަހުންނެވެ. އެކްސިޑެންޓް ހިނގީ، ސައިކަލް ދުއްވާފައި ދަނިކޮށް ފަހަތުން އައި އެމްބިއުލާންސަކުން ޖެހި ސައިކަލުގައި އިން ދެމީހުންގެ ތެރެއިން 18 އަހަރުގެ ޒުވާނާ އެމްބިއުލާންސްގެ ދަށުވެގެންނެވެ. އެ ހާދިސާގައި އެމްބިއުލާންސްއަށާއި ސައިކަލަށް ވެސް ބޮޑެތިގެއްލުންލިބިފައިވެއެވެ.