އެންޓި ކޮރަޕްޝަން ކޮމިޝަނުގެ ނައިބު ރައީސްގެ މަޤާމަށް އައްޔަނުކުރުމަށް އެ ކޮމިޝަނަށް އަލަށް އައްޔަނުކުރި މެންބަރު އަހުމަދު ނާޝިދު ގެންނަން ރައީސް ޑރ. މުހައްމަދު މުއިއްޒު ރައްޔިތުންގެ މަޖިލީހަށް މިއަދު ފޮނުވުމާ ގުޅިގެން އެ ނަން ދިރާސާކުރުމަށް މިނިވަން މުއައްސަސާތަކުގެ ކޮމިޓީ އަށް ފޮނުވައިފި އެވެ.
އަހުމަދު ނާޝިދު އަކީ އޭސީސީގެ ނައިބްރައީސް އަބްދުއްސަލާމާއި މެމްބަރު ތޯހާ އާއިގުޅޭ މައްސަލަތަކެއް ރައްޔިތުންގެ މަޖިލީހުގެ މިނިވަން މުވައްސަސާތަކާބެހޭ ކޮމެޓީން ބެލުމަށްފަހު އެ 2 މެމްބަރުން އެ ކޮމިޝަނުގެ މެމްބަރުން ވަކިކުރުމަށް ރައްޔިތުންގެ މަޖިލީހުން ނިންމެވުމާ ގުޅިގެން އެ ކޮމިޝަނަށް މިދިޔަ މަހުގެ 26 ގައި އައްޔަންކުރި މެންބަރެކެވެ.
އޭސީސީގެ ރައީސާ ނައިބްރައީސް އައްޔަނުކުރުމާ ގުޅޭގޮތުން ޤާނޫނަށް ގެނެސް ފައިވާ ބަދަލާއެކު އެ ކޮމިޝަނުގެ ރައީސާއި ނައިބު ރައީސް ކަނޑައެޅުމުގެ ބާރު އޮތީ ރައީސުލްޖުމްހޫރިއްޔާ އަށް ދީފަ އެވެ.
