އާގަލާ ބޯޓުން ގެއްލުނު ފަޅުވެރިޔާ ހޯދުމުގެ މަސައްކަތް 72 ގަޑިއިރަށްފަހު ހުއްޓާލައިފި

އާގަލާ ބޯޓުން ގެއްލުނު ފަޅުވެރިޔާ ހޯދުމަށް އެމްއެންޑީއެފް ކޯސްޓްގާޑުން ކުރިއަށް ގެންދިޔަ ސަރޗް އޮޕަރޭޝަން ވަނީ 72 ގަޑިއިރަށް ފަހު ހުއްޓާލާފަ އެވެ. އެމްއެންޑީއެފުން ކޮށްފައިވާ ޓްވީޓެއްގައި ބުނީ އެ އޮޕަރޭޝަނުގައި ކަނޑާއި ވައިގެ މަގުން ޖުމްލަ 2164ސކމ ގެ ސަރަޙައްދެއް ބެލިފައިވާ ކަމަށެވެ. [embed]https://twitter.com/MNDF_Official/status/1634831404956798976?s=20[/embed] އައްޑޫ އާއި މާލެއާ ދެމެދު މުދާއުފުލާ ބޯޓެއް ކަމަށްވާ އާގަލާ ބޯޓުގައި ރޯވެފައިވަނީ މިމަހުގެ 6 ވަނަ ދުވަހުގެ ރޭ ދަންވަރު 02:47 ގައި މ.ތުވަރުން 0.96 ނޯޓިކަލް މޭލު ބޭރުގައި އޮއްވައެވެ. އޭރު ބޯޓުގައި ތިބީ 15 ފަޅުވެރިންނެވެ. އޭގެ ތެރެއިން 14 ފަޅުވެރިން އެމްއެންޑީއެފުން ސަލާމަތްކޮށްފައިވާއިރު އިންޑިއާއަށް ނިސްބަތްވާ އެކަކު އަދިވެސް މިހާތަނަށް ފެނިފައިނުވާ ކަމަށް އެމްއެންޑީއެފުން މައުލޫމާތު ދެއެވެ.