64 ރަށެއްގައި ކުއްލި ހާލަތްތަކުގައި އަމަލު ކުރާނެ ޕްލޭންއެއް އެކުލަވާލައިފި

64 ރަށެއްގައި ކުއްލި ހާލަތްތަކުގައި ރަށު ފެންވަރުގައި އަމަލު ކުރާނެ ޕްލޭންއެއް އެކުލަވާލެވިފައިވާ ކަމަށް ނެޝެނަލް ޑިޒާސްޓަރ މެނޭޖްމަންޓް އޮތީރިޓީި (އެންޑީއެމްއޭ) އިން ބުނެފިއެވެ. ކޮންމެ ރަށެއްގައި ވެސް ކުއްލި ހާލަތުގައި އަމަލުކުރާނެގޮތުގެ ޕްލޭނަކާއި، އެކަމަށް މަސައްކަތް ކުރާ ކޮމިޓީއެއް އޮންނަންޖެހެއެވެ. ރަށްރަށުގައި މި ޕްލޭން އެކުލަވާލުމުގެ މަސައްކަތް ކުރިއަށްގެންދަނީ އެންޑީއެމްއޭ ގެ އެހީތެރިކަމާއިއެކުގައެވެ. އެގޮތުން މިކަމަށް ތައްޔާރުވުމަށް ރަށްރަށަށް ގޮސް، މުވައްސަސާތަކުން މި ޕްލޭނަށް އަމަލުކުރުމަށް މިހާރު ދަނީ ޕްރޮގްރާމްތަކެއް ހިންގަމުންނެވެ.

ރަށްރަށުގައި ހިންގާ ޕްރޮގްރާމްތަކުގެ ތެރޭގައި ކޮންމެ ރަށެއްގެ އެސެސްމަންޓެއް ހެދުމާއި، ކުއްލި ހާލަތުގައި އަމަލުކުރާނެގޮތުގެ ޕްލޭން އެކުލަވާލުމާއި، އަދި އެފަދަ ހާލަތެއްގައި ރައްޔިތުންނަށް ވީހާވެސް އަވަހަކަށް އެކަން އަންގާ އަމަލުކުރާނެ ގޮތްތައް އެކުލަވާލުން ހިމެނެއެވެ.

އެންޑީއެމްއޭ އިން ވިދާޅުވީ، 64 ރަށެއްގެ އެމަޖެންސީ ރެސްޕޮންސް ޕްލޭން މިހާތަނަށް އެކުލަވާލާފައިވާ ކަމަށާއި "ޔޫއެސް އެއިޑް" އާއި "އޭ.ޑީ.ޕީ.ސީ ނެޓް" ގެ އެހީއާއެކު އިތުރު 7 ރަށެއްގެ ރެސްޕޮންސް ޕްލޭން އެކުލަވާލުމުގެ މަސައްކަތް ފަށާފައިވާ ކަމަށެވެ. މީގެތެރެއިން އެއް ރަށް ކަމަށްވާ، ގއ. ދެއްވަދޫގައި މިހާރުވެސް އޭގެ މަސައްކަތު ބައްދަލުވުންތައް އަންނަނީ ކުރިއަށްގެންދަމުންނެވެ. 5 ދުވަހަށް ކުރިޔަށްގެންދާ މި ޕްރޮގްރާމްގައި ރައްޔިތުން ހޭލުންތެރިން ކުރުމުގެ މަސައްކަތްތައް ކުރިޔަށް ގެންދެއެވެ. [embed]https://twitter.com/NDMAmv/status/1657987594649767937?s=20[/embed] މިފަދަ އެމަޖެންސީ އެކްޝަން ޕްލޭންތައް ރަށްރަށުގައި އެކުލަވާލާނީ ރަށުގެ ނާޒުކުރުކަމާއި، ގުދުރަތީ ކާރިސާތަކާއި ހާދިސާތައް ކުރިމަތިވާ މިންވަރަށް ބަލައި، އެ ރަށަކަށް އެންމެ ފައިދާވާނެ ގޮތަށެވެ. ރާއްޖެއަކީ ކުޑަ ގައުމެއް ކަމަށްވުމުން، މިފަދަ ޕްލޭނެއް އޮވެ އެޔަށް އަމަލުކުރަން ފެށުމަކީ ކާރިސާގެ ވަގުތުގައި ރޭވުންތެރިކަމާއެކު އަވަސް ފިޔަވަޅުތަކެއް އެޅުމަށް ފަސޭހަ ވެެންދާނެ ކަމެއް ކަމަށް ޑިޒާސްޓަރ މެނޭޖްމަންތް އޮތޯރިޓީން ބުނެއެވެ.