55 ރަށެއްގެ ކައުންސިލް އިމާރާތް އަޅަން ހެކްޓާ މޯލްޑިވްސް އާއެކު ސޮއިކޮށްފި އެވެ.
ލޯކަލް ކައުންސިލް މިނިސްޓްރީގެ ފަރާތުން އެ އެއްބަސްވުމުގައި ސޮއިކުރައްވާފައިވަނީ އެ މިނިސްޓްރީގެ ޕާމަނަންޓް ސެކެޓްރީ ޑރ. އާއިޝަތު މުނާ އެވެ. އަދި ހެކްޓާ މޯލްޑިވްސް ގެ ފަރާތުން އެ އެއްބަސްވުމުގައި ސޮއިކުރައްވާފައިވަނީ އެ ކުންފުނީގެ މެނޭޖިން ޑިރެކްޓަރު އަލީ ޝަރީފެވެ.
މި އެއްބަސްވުމުގެ ދަށުން ކައުންސިލް އިމާރާތްތައް އަޅާނެ ރަށްތައް ލޯކަލް ކައުންސިލް މިނިސްޓްރީން އާއްމުކޮށްފައި ނުވިނަމަވެސް ޕީއެސްއެމްއަށް ދެއްވި އިންޓަވިއުއެއްގައި ލޯކަލް ކައުންސިލް މިނިސްޓަރު އާދަމް ޝަރީފް ވަނީ 187 ރަށަކުން ކައުންސިލް އިމާރާތްތައް އަޅަން އެދިފައިވާ ކަމަށް ވިދާޅުވެފަ އެވެ.
ސަރުކާރުން ބުނެފައިވަނީ ކައުންސިލް އިދާރާތައް އެލޫމުގެ މަސައްކަތް ކުރިއަށް ގެންދާނީ ރައްޔިތުންގެ ބައިވެރިވުމާއެކު ކަމަށާއި އެކަމަށްޓަކައި އާންމުންގެ ހިޔާލު ހޯދައި، ފުރަތަމަ އިމާރާތްތައް އަޅާ ރަށްތައް ހޮވާނެ އުސޫލެއް އާންމުކުރައްވާނެ ކަމަށެވެ.
