ރާއްޖޭގެ 5 ސަރަހައްދެއްގައި ސްޕޯޓްސް ފިޝިން ހާބަރުތައް ތަރައްގީ ކުރުމާ ބެހޭގޮތުން ޓޫރިޒަމް މިނިސްޓަރީއާއި މަސްވެރިކަމާބެހޭ މިނިސްޓަރީ އާއިި ދެމެދު މަޝްވަރާ ކޮށްފިއެވެ.
މިއަދު ދެ މިނިސްޓަރީގެ ދެމެދުގައި ބޭއްވި މިމަޝްވަރާތަކުގައި މަސްވެރިކަމާ ބެހޭ ވަޒީރު އަޙްމަދު ޝިޔާމާއި ފަތުރުވެރިކަމާބެހޭ ވަޒީރު އިބްރާހިމް ފައިޞަލް ވަނީ ބައިވެރިވެ ވަޑައިގަންނަވާފައެވެ.
ފިޝަރީޒް މިނ ިސްޓަރީން ހާމަކޮށްފައިވާގޮތުގައި ސްޕޯޓްސް ފިޝިންގ ހާވބަރުތައް ގާއިމް ކުރުމުގެ މަސައްކަތަކީ މަސްވެރިކަން ސިންދަފާތު ކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެކަށައަޅުއްވާފައިވާ ސިޔާސަތުގެ ދަށުން ކުރިއަށް ގެންދަން ރާވާފައިވާ މަޝްރޫޢެކެވެ.
ފިޝަރީޒް މިނިސްޓަރީން ބުނެފައިވަނީ ސްޕޯޓްސް ފިޝިންގ ހާބަރުތައް ތަރައްގީ ކުރާނެ ތަންތަނާ ގުޅޭ ގޮތުން ޓޫރިޒަމް މިނިސްޓަރާ މި ބައްދަލުކުރެއްވުމުގައި މަޝްވަރާ ކުރައްވާފައިވާކަމަށާއި، އެގޮތުން މިމަޝްރޫއު އަވަސްކުރުމަށް ފަތުރުވެރިކަމާބެހޭ ވުޒާރާއިން ފުރިހަމަ އެއްބާރުލުން ދެއްވާނެ ފަތުރުވެރިކަމާއި ބެހޭ ވަޒީރު އިބްރާހިމް ފައިޞަލް ވިދާޅުވެފައިވާ ކަމަށެވެ.
