ހަތަރު ރަށަކަށް ސްކޫލު ބަހުގެ ހިދުމަތް

އިންޑިއާގެ ހިލޭ އެހީގެ ދަށުން ހަތަރު ރަށެއްގެ ސްކޫލަތަކަށް ބޭނުންވާ ސްކޫލް ބަސް ހޯދަން އިންޑިއާ ސަރުކާރާއި ދިވެހިރާއްޖެ އާ ދެމެދު އެއްބަސްވުމެއްގައި ސޮއިކޮށްފިއެވެ. އެ އެއްބަސް ވުމުގެ ދަށުން ސްކޫލް ބަސް ހޯދާ ރަށްރަށަކީ،  ފުވައްމުލައް ސިޓީ، ކުޅުދުއްފުށި ސިޓީ، ނ. ކެނދިކުޅުދޫ އަދި ލ.ގަމުގެ ހަތަރު ސްކޫލަކަށެވެ. މިހާރު ވެސް ރާއްޖޭގައި ބަހުގެ ހިދުމަތް އޮންނަ އިރު، މާލޭގެ އިތުރުން، އައްޑުއާއި ފުވައްމުލަކާއި ލ. ގަމުގައި ބަހުގެ ހިދުމަތް ދެމުން އަންނަނީ އެމްޓީސީގެ ފަރާތުންނެވެ. ނަމަވެސް ކެނދިކުޅުދޫގައި ބަހުގެ ހިދުމަތް ދެމުން އަންނަނީ އެ ރަށު ސްކޫލުގެ ފަރާތުންނެވެ. ބޮޑެތި ރަށްރަށުގައި ބަހުގެ ހިދުމަތް ލިބުމަކީ، ސްކޫލު ކުދިންނަށް ވަަރަށް ބޮޑު ލުޔެއް ކަމަށް އެރަށްރަށުން ބުނެއެެވެ.