30 ކިލޯމީޓަރަށްވުރެ ބާރަށް ދުއްވުން ހުއްދަނޫން ސަރަހައްދުތަކުގައި ހެލްމެޓް އަޅައިގެން އުޅޭ ފަރާތްތަށް ހުއްޓުވައި ބަލާފަސްކުރާނެކަމަށް ފުލުހުން ބުނެފި އެވެ.
ފުލުހުން އިއްޔެ ނެރުނު ނޫސްބަޔާނުގައި ބުނެފައިވަނީ ހެލްމެޓް އެޅުން ޤާނޫނުން ލާޒިމްކޮށްފައިނުވާ ސަރަހައްދުތަކުގައި، ކާކުކަން ވަންހަނާކޮށް ކުއްކުށަށް އަރައިގަތުމުގެ ނިޔަތުގައި ހެލްމެޓް އޅައިގެން ބައެއް މީހުން އުޅޭކަމާއި، އަދި ހެލްމެޓް އަޅައިގެން ވިޔަފާރިކުރާ ތަންތަނާއި ޚިދުމަތްދޭ ތަންތަނަށް ވަދެހަދާކަން އަނެއްކާވެސް ފާހަގަކުރެވިފައިވާ ކަމަށެވެ.
#MPSPressStatement: 171-A(CA)PS/2025/01 - Helmet elhun majubooru noon sarahadhdhuthakugai helmet alhaa meehunnah faaraverive thuhumathu kurevey meehun huttuvai balai faaskurumaa gulhey https://t.co/ZJgjIod5lg pic.twitter.com/z93n53bizG
— Maldives Police (@PoliceMv) February 9, 2025
ފުލުހުންގެ އިއުލާނުގައި ބުނެފައިވަނީ އެއްގަމު އުޅަނދު ދުއްވުމުގެ ޤަވާއިދުގެ ދަށުން އުޅަނދު ދުއްވާ މީހާއާއި ފަހަތުގައި އިންނަ މީހާ ހެލްމެޓް އެޅުން ލާޒިމްވަނީ 30 ކިލޯމީޓަރަށްވުރެ ބާރަށް ދުއްވުމުގެ ހުއްދަ އޮންނަ މަގުތަކުގައި ކަމަށެވެ.
އެހެންކަމުން އެއްމެހައި ރައްޔިތުންގެ ސަލާމަތާއި ރައްކާތެރިކަން ކަށަވަރުކޮށް އަމާން ވެއްޓެއް ޤާއިމްކުރުމުގެ ގޮތުން އަޅާ ފިޔަވަޅެއްގެ ގޮތުން 30 ކިލޯމީޓަރަށްވުރެ ބާރަށް ދުއްވުމުގެ ހުއްދަ ނޯންނަ ސަރަހައްދު ތަކުގައި ހެލްމެޓް އަޅައިގެން އުޅޭ ފަރާތްތަށް ހުއްޓްވައި ބަލާފާސްކުރަމުން ގެންދާނެކަމަށް ފލުހުން ބުނެފައިވެއެވެ.
