23 ފުޅި ބަނގުރަލާއެކު އެމްޓީސީސީގެ ބަހެއްގެ ތެރެއިން ތިން ބިދޭސީއަކު ހައްޔަރުކޮއްފި

23 ބަނގުރާފުޅިއާއީ އެކު ތިން ބިދޭސީއަކު އެމްޓީސީސީ ބަހެއް ތެރެއިން ހައްޔަރުކޮއްފިއެވެ. ފުލުހުން ބުނީ، މި ތިން މީހުން ހައްޔަރު ކޮށްފައިވަނީ، ބަހެއްގެ ތެރޭގައި ބަނގުރާ ގެންގުޅޭ ކަމަށް ފުުލުުހުންގެ އިންޓެލިޖެންސަށް ލިބުނު ރިޕޯޓަކާއި ގުޅިގެން ބަލާ ފާސް ކުރުމުން ކަމަށެވެ. މި މައްސަލައިގައި ހައްޔަރުކޮށްފައި ވަނީ އިންޑިއާޔަށް ނިސްބަތްވާ 3 މީހެކެވެ. އެއީ 30 އަހަރުގެ މީހަކާއި، 34 އަހަރުގެ މީހަކާއި އަދި 38 އަހަރުގެ މީހެކެވެ. އެގޮތުން، އުމުރުން 38 އަހަރުގެ ޗޯޓޭލާލް، އަތުން ދެ ފުޅި ބަނގުރާ ފެނިފައިވާއިރު، އުމުރުން 35 އަހަރުގެ އެމަލުމަލައި ތަންގާރުޖު އަތުން 500 އެމްއެލްގެ ފަސް ފުޅި ބަނގުރާ ފެނިފައިވެއެވެ. މީގެ އިތުރުން އުމުރުން 30 އަހަރުގެ ސިވަނަންދަން ޗިންނާ ތަންބީ އަތުން ފެނިފައިވަނީ  16 ބަނގުރާ ފުޅިއެވެ. ފުލުހުން މިތިން މީހުން ހައްޔަރު ކޮށް ބަންދާމެދު ގޮތެއް ނިންމުމަށް ކްރިމިނަލް ކޯޓަށް ގެންދިޔުމުން އޭގެ ތެރެއިން ދެމީހަކަށް ވަނީ 15 ދުވަހުގެ މުއްދަތު ޖަހާފައެވެ. އަދި އެކަކު ވަނީ ފަސް ދުވަހުގެ މުއްދަތު ޖަހާފައެވެ.