15 އަހަރަށް ފަހު އީވާ އަށް ގަލޮޅު އުތުރު ގޮނޑި ގެއްލިއްޖެ

ރައްޔިތުންގެ މަޖިލީހުގައި ގަލޮޅު އުތުރު ދާއިރާގެ މެންބަރު އީވާ އަބްދުﷲ އަށް އެ ދާއިރާގެ ގޮނޑި 15 އަހަރަށް ފަހު ގެއްލިއްޖެ އެވެ. މިއަދު ކުރިއަށްދިޔަ ރައްޔިތުންގެ މަޖިލީހުގެ އިންތިހާބުގެ ވަގުތީ ނަތީޖާތައް ދައްކާ ގޮތުން އީވާއާ ވާދަކޮށް ގަލޮޅު އުތުރު ދާއިރާގެ ގޮނޑި ކާމިޔާބުކޮށްފައިވަނީ އެމްޑީޕީގެ ކެންޑިޑޭޓް މުހައްމަދު އިބްރާހިމް (ކުޑޫ) އެވެ. އެކްސްގައި ކުރެއްވި ޕޯސްޓެއްގައި އީވާ ވަނީ ބަލި ގަބޫލު ކުރައްވައި ކުޑޫ އަށް މަރުހަބާ ދަންނަވާފައެވެ. މީގެ އިތުރުން އީވާ ވަނީ ވޭތުވެދިޔަ ތަނުގައި ގަލޮޅު އުތުރުން އޭނާއަށް އަށް ދެއްވި އިތުބާރާ ޔަގީންކަމަށް ޝުކުރު ދަންނަވާފައެވެ. https://twitter.com/evattey/status/1782061848260669848 އީވާ ގަލޮޅު އުތުރަށް އެންމެ ފުރަތަމަ އިންތިހާބުވީ 2009 ވަނަ އަހަރުއެވެ. ވޭތުވެދިޔަ ތިން ދައުރުގައި ވެސް ރައްޔިތުންގެ މަޖިލީހަށް އީވާ އިންތިހާބުވީ އެމްޑީޕީގެ ޓިކެޓުގަ އެވެ. އެއަށްފަހު 20 ވަނަ މަޖިލީހަށް އީވާ ވާދަ ކުރެއްވީ އެމްޑީޕީގެ ތެރޭގައި އުފެދުނު ހިޔާލު ތަފާތުވުންތަކުގައި އެ ޕާޓީ ދޫކޮށް ކުރީގެ ރައީސް މުހައްމަދު ނަޝީދު އިސްކޮށް ހުންނަވައި އުފެއްދެވި ޕާޓީ ދަ ޑިމޮކްރެޓްސް ޕާޓީގެ ޓިކެޓުގައެވެ. މީގެ އިތުރުން އީވާ އަކީ ފެހި ގާނޫނުއަސާސީގެ ދަށުން މަޖިލީހުގެ ރިޔާސަތު ބެލެހެއްޓެވި ދެވަނަ އަންހެން ބޭފުޅާ އެވެ.