ހުޅުމާލެ ފޭސް 1 ގައި ހުރި ގެއެއް ބަލައި ފާސްކޮށް 14 ކިލޯގެ މަސްތުވާތަކެއްޗާ އެކު ހައްޔަރުކުރި ޒުވާން އަންހެން މީހާގެ ބަންދު އިތުރުކޮށްފި އެވެ.
އޭނާ ހައްޔަރުކުރީ މިދިޔަ މަހުގެ 21ވަނަ ދުވަހުގަ އެވެ. ހއ. ތުރާކުނު، އާހިޔާ، މަރްޔަމް ޒީނާ (23އ) ގެ ބަންދު މުއްދަތު އިއްޔެއަށް ހަމަވެ ކްރިމިނަލް ކޯޓަށް ހާޒިރުކުރި އެވެ. ކްރިމިނަލް ކޯޓުން ވަނީ އޭނާގެ ބަންދަށް އިތުރު 15 ދުވަސް ޖަހައިފަ އެވެ.
އެ އެޕާޓްމަންޓުން ފެނުނު މަސްތުވާތަކެތީގެ ބާވަތްތައް ވެސް ކްރިމިނަލް ކޯޓުގެ އަމުރުން އެނގުނެވެ. އަމުރުގައި ބުނެފައިވާ ގޮތުން އެއީ 12.28 ކިލޯގެ މެތާއި 1.58 ކިލޯގެ ހެރޮއިނެވެ.
ފުލުހުން ދަނީ މައްސަލަ އިތުރަށް ތަހުގީގު ކުރަމުންނެވެ.
