އެންޑީޕީގެ ވެރިކަމުގައި ޢާންމު ނުވާ މިންވަރަށް މަގުތައްމަތީ އޮރިޔާން އާންމުވެއްޖެ ކަމަށް އަށްޝެއިޙް ޒަމްޒަމް ފާރިޝް ވިދާޅުވެއްޖެ އެވެ.
ފޭސްބުކުގައި ކޮށްފައިވާ ޕޯސްޓްގައި ޒަމްޒަމް ފާރިޝް ވިދާޅުވެފައިވަނި އެންޑީޕީގެ ވެރިކަމުގައި މަގުމަތީ އޮރިޔާން ނިވާނުވާ ހެދުން އަޅައިގެން އުޅޭ ބިދޭސީން މި ގައުމުގެ މަގުތައްމަތީ ގިނަވެއްޖެ ކަމަށާއި، އެކަމުގެ ސަބަބުން މަގުތައްމަތީ ލޯ ހުޅުވާލަން ނުކެރޭ ކަމަށެވެ.
އަދި އެކަމުގެ ޝަކުވާ ހުށައަޅަންޖެހޭ ހުރިހާ ފަރާތަކަށް އެކި ގޮތްގަތުން ޝަކުވާ ހުށައެޅި ނަމަވެސް އެއްވެސް ފަރާތަކުން އެކަމާ އިޖާބަ ދީފައިނުވާ ކަމަށާއި ދިވެހި އަންހެނުން ނޫޅޭގޮތްތަކަށް އުޅޭނެހާ ގޮތަކަށް އުޅެން ބިދޭސީން ދޫކޮށްލައިގެން ތިބުމަކީ ބޮޑު ޚިޔާނާތެއް ކަމަށްވެސް ފޭސްބުކު ޕޯސްޓްގައި ވިދާޅުވެފައި ވެއެވެ.
މީގެ އިތުރުން ދިވެހީންގެ މި ޤައުމުގައި ބިދޭސީ ހަށިވިއްކާ ޒާތުގެ އަންހެނުން ގިނަވެ، މަގު ހިނގޭ ވަރު ނުވާކަމަށާއި، މާތް ﷲ ގެ ކޯފާއެއް އައީމަ ނޫނީ ވެރިންނަށް ހޭވެރިކަން ނާންނާނީބާއޭ ވިދާޅުވެ ސުވާލުކުރައްވައިވެސް އެވެއެވެ.
"މީހަކު އަތުން ލިބުނު ފޮޓޯއެއް. އެންޑީޕީގެ ވެރިކަމުގައި ޢާންމު ނުވާ މިންވަރަށް މިވަބާ މި ޤައުމުގެ މަގުތައް މަތީ ގިނަވެއްޖެ. ލޯ ހުޅުވާލަން ނުކެރޭ ވަރަށް މަގުތައް މަތީ އޮރިޔާން ޢާންމުވެއްޖެ. ޝަކުވާ ހުށައަޅަންޖެހޭ ހުރިހާ ފަރާތަކަށް އެކި ގޮތްގަތުން ޝަކުވާ ހުށައެޅިއްޖެ. އެކަމަކު ވާކަމެއް ޙަރާން. ކަހާތަން ހިރުވާވެސް ނުލާ. ދިވެހި އަންހެނުން ނޫޅޭ ވައްތަރަކަށް މި މީހުން އުޅޭނެހާ ގޮތަކަށް އުޅެން ދޫކޮށްލައިގެން ތިބުމަކީ ބޮޑު ޚިޔާނާތެއް. ދިވެހީންގެ މި ޤައުމުގައި ބިދޭސީ ހަށިވިއްކާ ޒާތުގެ އަންހެނުން ގިނަވެ، މަގު ހިނގޭ ވަރު ނުވޭ. މާތް ﷲ މި މުޞީބާތުން އަޅަމެން ސަލާމަތް ކުރައްވާށި. މާތް ﷲ ގެ ކޯފާއެއް އައީމަ ނޫނީ ވެރިންނަށް ހޭވެރިކަން ނާންނާނީބާ؟
އަދިވެސް އެހެން ޕޯސްޓެއްގައި ޒަމްޒަމް ފާރިޝް ވިދާޅުވެފައި ވަނީ މުޅި މާލެއާއި ހުޅުމާލޭގައިންވެސް ފެންނަނީ އޮރިޔާން ނިވާނުކުރާ ބިދޭސީ އަންހެނުން ކަމަށާއި، ވަކިން ޚާއްޞަކޮށް ރޭގަނޑާއި ދަންވިދަންވިހެން އެކަންތައްގަނޑު ބޮޑުވާ ކަމަށެވެ.
"އިސްލާމްދީނައް، ދިވެހިންގެ އާދަކާދައައް، ދިވެހިންގެ ސަޤާފަތަކަށް އިޙްތިރާމު ކުރުމެއް ނެތް. އަދަބެއް ސަދަބެއް ނެތް. ފިޔަވަޅެއް ނޭޅެ، އަދަބެއް ނުދެވެ. ޤާނޫނުތައް ތަންފީޒެއް ނުކުރެވެ.
"އެކަމަކު، ދިވެހި އަންހެނުންނަށް ވަޒީފާ ލިބެން އެހާ ދަތި. ވަޒީފާއިން ލިބޭ މުސާރައިން ދެކޮޅު ނުޖެހޭ. އެކަމަކު މި މީހުން އަމިއްލަ ޤައުމާއި މައިންބަފައިން ދޫކޮށް މިރާއްޖެ އައިސް ރޭންގަނޑު ޕާޓީ ކުރުމާއި ރެސްޓޯރެންޓުތައް ފުރުމާއި އެއް ފިހާރައިން އަނެއް ފިހާރައަށް ވަދެ ޝޮޕިންކުރުމުގަ. އެހުރިހާ ކަމެއް ކޮށްފައި، ވަޒީފާއަދާކޮށްގެން ފައިސާއިން ޢާއިލާއަށް ފޮނުވާފައި، ސޭވްކޮށް، މިހުރިހާ ފައިސާއެއް ހޯދާ ގޮތެއް ނުވެސް އެނގޭ. އެކަމަކު ޢާއިލާއާއި ދަރިން ދޫކޮށްފައި ދިވެހި އަންހެނުން ރޭގަނޑު ގަޑީގައި ވެމްކޯގެ ލޮރީއަށް ކުނިއެރުވުމުގަ. ގޭގެއިން ކުނި ނެރުމުގަ. ދަންވަރު ވަގުތުތަކުގައި މަގުމަތި ކުނިކަހަން. ދިވެހިން ގަނަތެޅުމުގަ. ބިދޭސީން އެންޖޯއީ ކުރުމުގަ. މިއީބާ ދިވެހިންނަށް ޙައްޤު މިންވަރަކީ.
