އީގަލް ހިލްސް ވެބްސައިޓުގަ ހާމަކޮށްފައިހުރި ސަރުކާރުން ހާމަނުކުރާ ބައެއް މައުލޫމާތު ކޮންމެވެސް ސަބަބަކާހުރެ އީގަލް ހިލްސްގެ ވެބްސައިޓުން ނަގައިފި
ރަސްމާލެ މަސްރޫއުގެ ސައްހަ މައުލޫމާތު އީގަލް ހިލްސް ވެބްސައިޓުގަ ހާމަކުރުމަށްފަހު، ކޮންމެވެސް ސަބަބަކާހުރެ އެ މައުލޫމާތުވެސް ވެބްސައިޓުން ނަގައިފި
ޔުނައިޓެޑް އެރަބް އެމިރޭޓްސްގެ އީގަލް ހިލްސް ކުންފުންޏަށް ރަސްމާލޭގެ ބިމުން ބޮޑު ބައެއް ދީފައިވާ މައްސަލާގައި އެކަން ހިންގާފައިވާ ގޮތުގެ ސައްހަ މައުލޫމާތު ދިވެހި ސަރުކާރުން ރައްޔިތުންނަށް ފޯރުކޮށްދެމުން ނުދާކަމަށް ބުނެ ރައްޔިތުން ދަނީ ކަންބޮޑުވުން ފާޅުކުރަމުންނެވެ.
ސިއްރީޔާތުގަ ކުރިއަށްދިޔަ އެ އިންވެސްޓްމަންޓްގެ ކަންމުގެ ތެރެއިން ދިވެހިންނަށް ފެނުނީ ހަމައެކަނީ އެ މަޝްރޫއުގެ ޕްރޮޖެކްޓުގައި އީގަލް ހިލްސް އާއި ދިވހި ސަރުކާރުން ސޮއި އެޅިތަނެވެ.
އެއަށްފަހު ސަރުކާރުން ހާމަކުރި މައުލޫމާތަކީ އީގަލް ހިލްސް އިން ރަސްމާލޭގެ ދެބައިކުޅަ އެއްބާގައި ވޯޓަރ ފްރޮންޓް މަޝްރޫއުއެއް ހިންގާނެ ކަމަށާއި މުޅި އެ މަޝްރޫއުއަށް 20 ބިލިއަންޑޮލަރު އެ ކުންފުނިން އިންވެސްޓް ކުރާނެ ކަމަށެވެ.
އެއާއެކު އިދިކޮޅު ސިޔާސީ ފަރާތްތަކުންނާއި، ރައްޔިތުން ދިޔައީ އެ މަޝްރޫއު ހިންގަން ރާވާފައިވާ ގޮތުގެ ސައްހަ މައުލޫމާތު ރައްޔިތުންނަށް ފޯރުކޮސްދިނުމަށް ގޮވާލަމުންނެވެ.
އަދި އެ މަޝްރޫއު ރާވާފައި އޮތީ ބިދޭނިންނަށް ދިވެހި ބިން މިލްކުވާގޮތަށް ކަމަށްބުނެ އިދިކޮޅު ފަރާތްތަކުން ދައްކަމުންދިޔަ ވާހަކަތަކުގެ ރައްދުގައި ސަރުކާރުން ުނަމުންދިޔައީ ރަސްމާލެ އީގަލް ހިލްސް އަށް ދީފައިވަނީ އާންމު ރިސޯޓު އެއްބަސްވުންވެސް ހަދާ އުސޫލުން ކަމަށެވެ.
ނަމަވެސް އެ މަސްރޫއު ހިންގާ އީގަލް ހިލްސް އިން ރާއްޖޭގެ ބިންވިއްކަން ނުވަތަ 99 އަހަރަށް ކުއްޔަށް ދޫކުރަން ޖެހުމާއެކު، ސަރުކާރުން އެ މަޝްރޫއުއާއިގުޅޭ ސައްހަ މައުލޫމާތު ރަނގަަޅަށް ރައްޔިތުންނަށް ހާމަނުކުރާކަން ވަނީ ހާމަވެފައެވެ.
އީގަލް ހިލްގެ ވެބްސައިޓްގައި ބުނެފައިވަނީ ރަސްމާލޭގައި ތަރައްގީކުރާ ޕްރޮޕަޓީ 99 އަހަރަށް ލީސްކުރެވޭނެ ކަމަށާއި އަދި ލީސްހޯލްޑް ގައި އިންނަ އެ ޕްރޮޕަޓީ އަނެއްކާވެސް ވިއްކާލުމުން އެ ޕްރޮޕަޓީ ގަންނަ ފަރާތަށް އަނެއްކާވެސް އިތުރު 99 އަހަރު ލިބިގެންދާނެ ކަމަށެވެ.
އަދި އެ ޕްރޮޕްޓީތަށް ވިއްކޭނީ ރާއްޖެއިން އެޕްރޫވްކުރާ ފަރާތްތަކަށް ކަމަށް ސަރުކާރުން ބުނިނަމަވެސް އެ ކުންފުނީގެ ވެބްސައިޓްގައި ބުނެފައިވަނީ ޕްރޮޕްޓީތަށް ވިއްކާނީ އެ ކުންފުނިން ކަމަށެވެ.
އެހެންކަމުން އެ މަޝްރޫއުއާއިގުޅޭ ސައްހަ މައުލޫމާތު ކިރިޔާވެސް ދިވެހިންނަށް ލިބިފައިމިވަނީ އެ ކުންފުނީގެ ވެބްސައިޓުންނެވެ. ނަމަވެސް ކޮންމެވެސް ސަބަބަކާހުރެ މިހާރުވަނީ އެކުންފުނީގެ ވެބްސައިޓްގައި އާންމުކުރި މައުލޫމާތުވެސް ބަދަލުކޮށްފައެވެ.
އެކަން އެހެންކުރާނީ ކޮންމެވެސް ކަމެއް ސިއްރުކުރަންއުޅޭ ފަރާތެއްގެ ނުފޫޒުން ކަމަށް ބައެއް ފަރާތްތަކުން މީސްމީޑިއާގައި ދަނީ ބުނަމުންނެވެ.
