ވޯޓު ފޮށިތައް ބަންދުކުރާ ގަޑި ކައިރިވަނީ. މިހާތަނަށް ވޯޓުލީ %56 މީހުން

މިހާރު ކުރިއަށްދާ ރައްޔިތުންގެ މަޖިލީހުގެ އިންތިޚާބުގައި މިއަދުގެ 15:00 އާއި ހަމައަށް ވޯޓް ލާފައިވަނީ %56.26 މީހުން ކަމަށް އިލެކްޝަންސް ކޮމިޝަނުން ބުނެފިއެވެ. އެކޮމިޝަނުން އާންމުކޮށްފައިވާ މަޢުލޫމާތައް ބަލާއިރު 15:00 އާއި ހަމައަށް 160،158 މީހުން ވަނީ ވޯޓު ލާފައެވެ. މިއީ ވޯޓް ލުމުގެ ޙައްޤު ލިބިފައިވާ މީހުންގެ 56.26 އިންސައްތައެވެ. އަދި ވޯޓް ނުލާ މީހުންގެ އަދަދަކީ 126،505 އެވެ. މިއީ ވޯޓް ލުމުގެ ޙައްޤު ލިބިފައިވާ މީހުންގެ %43.74 އެވެ. މިއީ މިހާތަނަށް ރައްޔިތުންގެ މަޖިލީހަށް އެންމެ ގިނަ މެންބަރުން އިންތިޚާބުކުރާ ފަހަރެވެ. މި އިންތިޚާބުގައި 93 ދާއިރާއަކަށް ޖުމްލަ 284،663 މީހަކަށް ވޯޓުލުމުގެ ޙައްގު ލިބެއެވެ. މީގެ ތެރޭގައި ހިމެނެނީ 145،302 ފިރިހެނުންނާއި 139،361 އަންހެނުންނެވެ. https://twitter.com/ElectionsMv/status/1781997109673427432 މި އިންތިޚާބުގައި ވޯޓު ލުމަށް 602 ވޯޓްފޮށި ވަނީ ބަހައްޓާފައެވެ. ވޯޓުލުން ހެނދުނު 8:00ގައި ފަށާފައިވާއިރު، ވޯޓުލެވޭނެ އެންމެ ފަހު ގަޑިއަކީ ހަވީރު 17:30 އެވެ.