ހުއްދަނެތި ޕެކެޓް ކުކިން އޮއިލް ގެންގުޅުނު އަންހެނަކު ޖޫރިމަނާކޮށްފި

ހުއްދަ ނެތި ޕެކެޓް ކުކިން އޮއިލް ގެންގުޅުނު ތައިލެންޑުގެ އަންހެނަކު 9،000 ރިންގެޓުން ޖޫރިމަނާކޮށްފިއެވެ. ތައިލެންޑުގެ 49 އަހަރުގެ އަންހެނަކު ލައިސަންސް ނެތި 34 ކިލޯގެ ސަބްސިޑައިޒް ޕެކެޓް ކުކިން އޮއިލް ގެންގުޅުނު ކަމުގެ ކުށުގައި މެލޭޝިއާގެ ސެޝަންސް ކޯޓުން 9،000 ރިންގެޓުން ޖޫރިމަނާކޮށްފި އެވެ. އޭނާގެ މައްޗަށް ދައުވާ އުފުލާފައިވަނީ މިދިޔަ އަހަރުގެ ޑިސެމްބަރު މަހުގެ 19 ވަނަ ދުވަހު 4:30 ހާއިރު މެލޭޝިއާގެ ޖަލަން ކާކީ ބުކިތު ވަންގް ކެލިއަންގައި ހުއްދަނެތި ޕިކަޕެއްގައި 1 ކިލޯގެ ސަބްސިޑައިޒްކޮށްގެން ކައްކާ ތެޔޮ 34 ޕެކެޓް ހިމެނޭ ކޮންޓްރޯލް ކޮށްފައިވާ އެއްޗެހި ގެންގުޅުމުގެ ކުށުގެ ދައުވާ އެވެ. ތައިލެންޑްގެ އެ އަންހެންމީހާ ކުއްވެރިވެފައިވަނީ މެލޭޝިއާގެ ސަޕްލައި ކޮންޓްރޯލް ކުރުމުގެ ގަވާއިދު 1974 ގެ ގަވާއިދުގެ 3 ވަނަ މާއްދާގެ (1) ގައި ލައިސަންސް ނެތި ހޯލްސޭލް ނުވަތަ ރީޓެއިލް މެދުވެރިކޮށް އެއްވެސް ފަރާތަކަށް ޝެޑިއުލް ކޮށްފައިވާ އެއްވެސް އެއްޗެއްގެ މުއާމަލާތް ނުކުރެވޭނެ ކަމަށް ބުނެފައިވާ މާއްދާގެ ދަށުންނެވެ.