ކޮވިޑް ލޯނުތަކަށް އަރާފައިވާ އިންޓަރެސްޓް ސަރުކާރުން މައާފްކޮށްދީފި
ކޮވިޑް ލޯނުތަކަށް އަރާފައިވާ އިންޓަރެސްޓް ސަރުކާރުން މައާފްކޮށްދީފި
ލިޔުން:
ކޮވިޑާ ގުޅިގެން އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ) އާއި ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ)އިން ދޫކުރި ލޯނުތަކަށް އަރާފައިވާ އިންޓަރެސްޓް މައާފްކޮށްދިނުމަށް ރައީސުލްޖުމްހޫރިއްޔާ ނިންމަވައިފިއެވެ.
މިކަން ނިންމެވިކަން ރައީސުލްޖުމްހޫރިއްޔާ ޑރ.މުހައްމަދު މުއިއްޒު ހާމަކުރައްވާފައިވަނީ ހައްދުންމައްޗަށް ކުރައްވަމުން ގެންދަވާ ދަތުރުފުޅުގައި ފޮނަދޫގައި ބޭއްވި ޖަލްސާގައި ވާހަކަދައްކަވަމުންނެވެ.
ކޮވިޑް ބަލިމަޑުކަމުގައި ދޫކުރި މި ލޯނުގެ އިންޓަރެސްޓް މައާފްކުރެއްވިކަން ހާމަކުރައްވަމުން ރައީސް ޑރ.މުއިއްޒު ވިދާޅުވީ އެދުވަސްވަރު ވަރަށް ގިނަ މީހުން ލޯނުތައް ނެގި ކަމަށާއި، އެ ލޯނުތަކަށް ފައިސާ ނުދެއްކިފައިވެސް ވަރަށް ގިނަ މީހުން އެބަތިބި ކަމަށެވެ. ރައީސް ވިދާޅުވީ ލޯނުތައް ނެގި ފަރާތްތަކަށް ލުޔެއް ހޯދައިދިނުމަށް ސަރުކާރުން ކުރެއްވި މަސައްކަތުގެ ތެރެއިން ލޯނަށް އިންޓަރެސްޓްގެ ގޮތުގައި އަރާފައިވާ ބައި މައާފްކޮށްދިނުމަށް ނިންމެވީ ކަމަށެވެ.
"އީދު ބަންދަށްފަހު އެސްޑީއެފްސީ ބޭންކަށް އެ އޮންނަ އެޕްލިކޭޝަނެއް ފުރިހަމަ ކޮށްފައި އެޕްލައިކޮށް އެގްރިމެންޓް ހެދީމަ އިންޓްރެސްޓް މަފުވާނެ" ރައީސް ވިދާޅުވިއެވެ.
ރައީސް ވިދާޅުވީ ލޯނަށް އިންޓަރެސްޓުގެ ގޮތުގައި އަރާފައިވާ އަދަދު ބޮޑުވުމުގެ ސަބަބުން ރައްޔިތުންނަށް އެ ނުދެއްކިގެން އުޅޭކަން ފާހަގަކުރެވިފައިވާކަމަށާއި، އެބައި މައާފްކޮށްދިނުމަށް ނިންމެވުމުގެ މައިގަނޑު ސަބަބަކީ އެއީކަމަށްވެސް ރައީސް ޑރ.މުއިއްޒު ވިދާޅުވިއެވެ.
ރައީސް ވިދާޅުވީ މިއީ ކުރިން އޮތް ސަރުކާރުން ކުރަން އުޅެމެ، ނުވި މަސައްކަތެއް ކަމަށާއި، މި ސަރުކާރުން މިކަން މި ކުރީ އިންތިހާބާ ދިމާކޮށް ނޫންކަމަށެވެ. މިގޮތުން ސަރުކާރު ވެރިކަމާ ހަވާލުވުމާއެކު މިކަންކުރަން ފެއްޓެވި ކަމަށްވެސް ރައީސް ޑރ.މުހައްމަދު މުއިއްޒު ވިދާޅުވިއެވެ.
ކޮވިޑް ބަލިމަޑުގައި ވިޔަފާރިތަކަށް އެހީވުމަށް ސަރުކާރުން ވަނީ 380 މިލިއަނަށް ވުރެ ގިނަ ރުފިޔާގެ ލޯނު ދޫކޮށްފައެވެ. މި ލޯނުތައް 2000 ހަށްވުރެ ގިނަ މީހުން ނަގާފައިވާކަމަށް މީގެ ކުރިން ފިނޭންސް މިނިސްޓްރީން ވަނީ ބުނެފައެވެ.
ކިޔުންތެރިންގެ ސަމާލުކަމަށް
ވެރިމީހާއަކީ މާބޮޑު ވަލިއްޔުލްއަމްރެއްގެ ގޮތުގަ ދެކޭދެކުން، ދައުލަތާއި ރައްޔިތުންގެ ހާދިމެއްގެ ގޮތަށް ބަދަލުކުރަންޖެހޭ: ފައްޔާޒް
ރާއްޖޭގެ އިސްތިގުލާލު ގެއްލި މިނިވަންކަމަށް ބުރޫ އަރާނީ ވެރިކަމުގަ މިހާރު ތިބި ގަމާރުންނަށް ތަނެއްދޮރެއް ނޭނގޭތީ: ރައީސް ނަޝީދު
އެމްޑީޕީ ކޮންގްރެސްގެ ބައިވެރިންނާ ބައްދަލުކޮށް، އެޕާޓީގެ އަސާސީ ޤަވާއިދަށް ފައްޔާޒް ހުށަހަޅާ އިސްލާހުތަކާ ގުޅޭ މައުލޫމާތު ދެއްވައިފި
އެމްޑީޕީ ރިޔާސީ ޕްރައިމަރީގައި ވާދަކުރައްވާނެ ކަމަށް ހާމަކުރެއްވި ބޭފުުޅުންގެ ތެރެއިން ރަސްމާލެ ވިއްކާލުމާ ފާޅުގަ ދެކޮޅު ހަދަން ކެރިވަޑައިގަތީ ފައްޔާޒަށް އެކަނި: އަކްރަމް
އެމްޑީޕީގެ ވެރިކަމުގައި ޢާންމު ނުވާ މިންވަރަށް މަގުތައްމަތީ އޮރިޔާން އާންމުވެއްޖެ: ޝެއިޙް ޒަމްޒަމް ފާރިޝް
އީގަލް ހިލްސް ވެބްސައިޓުގަ ހާމަކޮށްފައިހުރި ސަރުކާރުން ހާމަނުކުރާ ބައެއް މައުލޫމާތު ކޮންމެވެސް ސަބަބަކާހުރެ އީގަލް ހިލްސްގެ ވެބްސައިޓުން ނަގައިފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!