އަގުބޮޑެތި އިނާމްތަކާއެކު، އެސްޓީއޯ ރަމަޟާން ބާޒާރު ފަށައިފި

ނަސީބުވެރި ކަސްޓަމަރަށް 75000 ރުފިޔާގެ އަގުހުރި ބަދިގެ ސެޓާއި، ދެމީހަކަށް ތުރުކީ ދެކޮޅު ޓިކެޓް ލިބޭގޮތަށް އެސްޓީއޯ ރަމަޟާން ބާޒާރު ފަށައިފިއެވެ. އެސްޓީއޯ ރަމަޟާން ބާޒާރަކީ ކޮންމެ އަހަރެއްގެވެސް ރަމަޟާންމަހަށް ހާއްސަކޮށް އެކުންފުނީގެ ފިހާރަތަކުގައި ކުރިއަށްގެންދާ ސޭލެކެވެ. އެސްޓީއޯއިން ބުނީ މިފަހަރުގެ ރަމަޟާން ބާޒާރުގައި ޑިސްކައުންޓް ތަކެއް އެސްޓީއޯ ޕީޕަލްސް ޗޮއިސް އަދި އެސްޓީއޯ ރީޖަނަލް ފިހާރަތަކުން ކަސްޓަމަރުންނަށް ލިބޭނެ އެވެ. މި ޕްރޮމޯޝަން ތެރޭގައި އެސްޓީއޯ ރީޖަނަލް ފިހާރަތަކާއި ޕީޕަލްސް ޗޮއިސްގެ އިން ކުރާ ކޮންމެ 1000 ރުފިޔާގެ ވިޔަފާރިއަކަށް ކޫޕަނެއް ލިބޭނެ އެވެ. އެސްޓީއޯއިން މި ޕްރޮމޯޝަންގައި ބޭނުން ކުރާނީ ތިމާވެއްޓާ ރައްޓެހި ޑިޖިޓަލް ކޫޕަނެކެވެ. މިފަހަރުގެ ރަމަޟާން ބާޒާރުގައި ރޯދަމަހުގެ ކުރިން ނަސީބުވެރި ތިން ކަސްޓަމަރަކު ހޮވުމަށް ހަމަޖެހިފައިވާއިރު، އެއްވަނައަށް ހޮވޭ ކަސްޓަމަރަކަށް ކަނޑައަޅާފައިވަނީ،  75000 ރުފިޔާގެ އަގުހުރި ބަދިގެ ސެޓެކެވެ. ދެވަނައަށް ހޮވޭ ނަސީބުވެރި ކަސްޓަމަރަށް ހޯމްއެޕިލިއެންސް  ޕެކޭޖެއް ދިނުމަށް ނިންމާފައިވާއިރު، އަދި ތިންވަނައަށް ހޮވޭ ކަސްޓަމަރަށް ކަނޑައަޅާފައިވަނީ ތިންރޫމް އެޕަޓްމެންޓުގައި ނިޕޯޕެއިންޓުގެ ކުލަ އެވެ. މީގެ ތެރޭގައި ކުލަ ލައިދިނުންވެސް ހިމެނެއެވެ.   އެސްޓީއޯއިން ބުނީ މުޅި ޕްރޮމޯޝަން ނިމުމުން ނަސީބުވެރި ތިން ފަރާތެއް ހޮވިގެން ދާނެ ކަމަށެވެ. އެއްވަނަ އިނާމަކަށް ތުރުކީ ދެކޮޅު ޓިކެޓް ދެމީހަކަށް ލިބިގެން ދާއިރު، ނަސީބުވެރި ދެވަނަ ފަރާތަކަށް ހޯމްއެޕިލިއެންސް  ޕެކޭޖެއް ލިބޭނެއެވެ. އަދި ތިންވަނަ ފަރާތަކަށް ދިނުމަށް ކަނޑައަޅާފައިވަނީ 65 އިންޗީގެ ފިލިޕްސް ޓީވީ އެކެވެ. އެސްޓީއޯ ޕީޕަލްސް ޗޮއިސް އާއި ރީޖަނަލް ފިހާރަތަކުގައި ރަމަޟާން ބާޒާރު ކުރިޔަށްދާނީ އެޕްރިލްމަހުގެ 11 ވަނަ ދުވަހުގެ ނިޔަލަށެވެ.