ތިން އަހަރުގެ މެދުކެނޑުމަކައްފަހު ޗައިނާގެ ފަތުރުވެރިން ރާއްޖެއަށް
ތިން އަހަރުގެ މެދުކެނޑުމަކައްފަހު ޗައިނާގެ ފަތުރުވެރިން ރާއްޖެއަށް
ލިޔުން:
ރާއްޖޭގެ ފަތުރުވެރިކަމުގެ އެންމެބޮޑު އެއްމާކެޓް ކަމުގައިވާ ޗައިނާއިން، އެގައުމުގެ ފަތުރުވެރިން މިއަދު ރާއްޖެއަންނަން ފަށައިފިއެވެ.
ކޯވިޑްގެ ބަލިމަޑުކަމުގެ ސަބަބުން މީގެ ތިންއަހަރެއްހާ ދުވަސްކުރިން ޗައިނާގެ ސަރުކާރުން ކޯވިޑް ކޮންޓްރޯލް ކުރުމަށްޓަކައި އެގައުމުގެ ރައްޔިތުން އެހެން ގައުމުތަކަށް ދަތުރުކުރުން މަނާކުރުމާ ގުޅިގެން، އެގައުމުގެ ފަތުރުވެރިން ރާއްޖެ އައުވަނީ ހުއްޓިފައެވެ. ނަމަވެސް ޗައިނާއިން މިމަހު އަށް ވަނަދުވަހު ވަނީ އެގައުމުގެ ރައްޔިތުން އެހެން ގައުމުތަކަށް ދަތުރުކުމަށް ހުއްދަދީފައެވެ. އަދި ޗައިނާގެ ދަތުރުފަރުކު ކުރުން ހުޅުވާލުމުން ރާއްޖެއިން ވަނީ އެކަމަށް މަރުހަބާ ކިޔާފައެވެ.
ޗައިނާގެ ބޭޖިންއިން މިއަދު ވަނީ ރާއްޖެއަށް އުދުހުންތައް އަނެއްކާވެސް ފަށާފައެވެ. މިއަދު ޗައިނާގެ ބޭޖިންއިން ވަނީ ފުރަތަމަ ފްލައިޓު މާލޭ އިންޓަނޭޝަނަލް އެއާޕޯޓައް ޖައްސާފައެވެ. މި ފުލައިޓުން 198 ފަތުރުވެރިން ރާއްޖެ އައިސްފައިވެއެވެ.
ކޯވިޑް-19 ކޮންޓްރޯލްކުރުމަށް ޗައިނާއިން ކުރިން އަޅާފައިވާ ފިޔަވަޅުތައް ދޫކޮށްލުމާއިއެކު އެގައުމުގައި ކޯވިޑްގެ ކޭސްތައް އިތުރުވުމުން ބައެއްގައުމުތަކުން ވަނީ ކަންބޮޑުވުން ފާޅުކޮށްފައެވެ. އަދި ޗައިނާއިން އެހެންގައުމުތަކަށް މީހުން ދަތުރުކުރާވަރު މަދުކުރުމުގެ ގޮތުން ބައެއް ގައުމުތަކުން ވަނީ ފިޔަވަޅުތައް އަޅާފައެވެ. މިކަމާގުޅިގެން ރާއްޖޭގެ ސަރުކާރުން ބުނެފައިވަނީ ރާއްޖޭގައި އެކަން ކޮންޓްރޯލް ކުރެވޭނެކަމަށެވެ.
ކިޔުންތެރިންގެ ސަމާލުކަމަށް
ގުރުއަތުން ހޮވޭ 10 ފަރާތުގެ ތެރެއިން ކޮންމެ ފަރާތަކަށް 1 ލައްކަ ރުފިޔާ ލިބޭ ޕްރޮމޯޝަނެއް ބީއެމްއެލް އިން ފަށައިފި
އިންޑިއާ ރައްޖެ އެފްޓީއޭ ޓެކްނިކަލް ބެރިއާރ އާއިގުޅޭގޮތުން ސްޓޭކް ހޯލްޑަރުންނާ މަޝްވަރާކޮށްފި
ޑޮލަރުގެ އަގު އުފުލުނީވެސް ތިރި ނުވަނީވެސް އެމްޑީޕީއާ ހެދި: އިކޮނޮމިކް މިނިސްޓަރ
ދިރާގުގެ ސީއީއޯ އިސްމާއިލް އިސްތިއުފާ ދެއްވާތީ އައު ސީއީއޯ އަކަށް ދެކުނުއެފްރިކާގެ ވަލްޑެމާ ޕެރަޑާޒް ހަމަޖައްސައިފި
"އިންވެސްޓްމަންޓްސް ބައި ބީއެމްއެލް" ޕޯޓަލް މެދުވެރިކޮށް ޑޮލަރު އިންވެސްޓްކުރުމުން 25 އިންސައްތަ އާއި ހަމައަށް ފައިދާ ލިބޭނެ: ސީއީއޯ ޝަރީފް
ރާއްޖޭގެ އިގްތިސާދު މޭނޭޖުކުރި ގޮތާމެދު ވޯލްޑް ބޭންކުގެ ތައުރީފް!
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!