ޑޮލަރުގެ ހާލަތު މިހިސާބަށް އައީ ރައީސް ނަޝީދުގެ ވެރިކަމުގައި ކަން ކުރެއްވި ގޮތުންކަމަށް ޕީއެންސީ ޕާލިމަންޓްރީ ގްރޫޕުގެ މެންބަރު އަދި ރައްޔިތުންގެ މަޖިލީހުގެ ހޮޅުދޫ ދާއިރާގެ މެންބަރު ސައްތާރު ވިދާޅުވެއްޖެ އެވެ.
މެންބަރު ސައްތާރު ވިދާޅުވީ ޑޮލަރުގެ މައްސަލާގައި ސަރުކާރުން އަޅުއްވަމުން ގެންދަފަ ފިޔަވަޅުތަކަށް ރައީސް ނަޝީދު ފާޑު ވިދާޅުވަމުންގެންދަވާއިރު އެ މަނިކުފާނުގެ ވެރިކަމުގައި ޑޮލަރުގެ އަގު 12 ރުފިޔާއިން 15 ރުފިޔާއަށް އުފުލިފައިވާ ކަމަށެވެ.
އަދި ވެރިކަމުގައި ހުންނަވައިގެން ޑިލަރުގެ އަގު ތިރިކުރުމުގެ ބަދަލުގައި މަތި ކުރެއްވި ބޭފުޅަކު ސަރުކާރުން މިހާރު ޑޮލަރުގެ މައްސަލަ ހައްލުކުރުމަށް އަޅުއްވަމުންގެންދަވާ ފިޔަވަޅުތަކަށް ފާޑު ވިދާޅުވަމުން ގެންދެވި ނަމަވެސް އެމަނިކުފާނުގެ ވެރިކަމުގައި ހައްލުނުކުރެއްވުނު ކަމެއް މިހާރު ހައްލުނުކުރެވޭނެކަމަށް ގަބޫލުނުކުރައްވާކަމަށް ވަނީ ވިދާޅުވެފަ އެވ.
އަދި އިތުރަށް މެމްބަރު ސައްތާރު ވިދާޅުވީ މިފަދަ ކަންކަމުންވެސް ދޭހަވެގެންދަނީ ގައުމުގެ ހާލަތަށް ވިސްނާނުލައި ވެރިކަމާ ތޮޅުމުގެ އަމާޒު ބައެއް ސިޔާސީ ބޭފުޅުންގެ ކިބައިގައި މިހާރު ވެސް ހުރިކަންކަމަށާއި، އަދި އިދިކޮޅު ފަރާތްތަކުން އުޅެނީ ވަކި ކަހަލަ ޕްރެޝަރުތަކެއް ސަރުކާރާ ކުރިމަތިކުރުވައިގެން ވެރިކަން ވައްޓާލަން ކަމަށެވެ.
